ട്വിറ്റര്: ഷാരൂഖിന് ബച്ചന്റെ അഭിനന്ദനം
ഇപ്പോള് തങ്ങളുടെ പ്രിയതാരത്തിന് എത്ര ട്വിറ്റര്ഫോളോവേഴ്സുണ്ടെന്ന് തിരയാലാണ് ആരാധകരുടെ പ്രധാനപരിപാടി. ഏറ്റവും ഒടുക്കം ബോളിവുഡില് നിന്നും ട്വിറ്ററില് എത്തിയത് അമിതാഭ് ബച്ചനാണ്. ട്വിറ്റര് ഫോളോവേഴ്സിന്റെ കാര്യത്തില് ഏറ്റവും മുന്നിലുള്ള ബോളിവുഡ് താരം ഷാരൂഖ് ഖാന്നാണ.
കിങ് ഖാന് എന്ന വിശേഷണം ട്വിറ്ററിലും ഷാരൂഖിന് ഏറെ ചേരുമെന്ന് ചുരുക്കം. ഇന്ത്യയുടെ ലിറ്റില് മാസ്റ്റര് സച്ചിന് ടെണ്ടുല്ക്കറെപ്പോലും പിന്തള്ളിയാണ് ഖാന് ട്വിറ്ററില് കുതിയ്ക്കുന്നത്. ഫോളോവേഴ്സിന്റെ കാര്യത്തില് ഷാരൂഖാണ് സച്ചിനേക്കാളും മുന്നില്.
ഇപ്പോള് നാലുലക്ഷത്തോളം പേരാണ് ഷാരൂഖിനെ പിന്തുടരുന്നത്. ഇത്രയേറെപ്പേര് തന്നെ ഫോളോ ചെയ്യുന്നതില് സന്തോഷവാനാണെന്ന് ഖാന് പറയുന്നു. ഇത്തരമൊരു നേട്ടത്തിന് സഹായിച്ച എല്ലാവരോടും കിങ് ഖാന് ട്വിറ്ററിലൂടെതന്നെ നന്ദിയും പറഞ്ഞിട്ടുണ്ട്.
ബോളിവുഡില് തന്റെ വലിയശത്രുവായിട്ടാണ് ബച്ചന് ഷാരൂഖിനെ കാണുന്നതെങ്കിലും ഷാരൂഖിന്റെ ഈ നേട്ടത്തില് അഭിനന്ദനമറിയിക്കാന് സാക്ഷാല് ബിഗ് ബിയും മനസ്സുകാണിച്ചു. അതേസമയം, തന്നെ പിന്തുടരുന്നവരുടെ എണ്ണത്തില് വലിയ വര്ധനയൊന്നും ഇല്ലെന്നും വയസ്സായതിനാലായിരിക്കും ട്വിറ്റര് ഉപയോക്താക്കള് തന്നെ താത്പര്യമില്ലാത്തതെന്നും ബച്ചന് പറയുകയും ചെയ്തിട്ടുണ്ട്.
ബച്ചനെ നിലവില് 1,00,240 പേരോളം പിന്തുടരുന്നുണ്ട്. ഒരാഴ്ച മുമ്പാണ് ബിഗ് ബിയും ട്വിറ്ററിലെത്തിയത്. മെയ് മാസത്തില് അക്കൗണ്ട് തുടങ്ങിയ സച്ചിന് ടെണ്ടുല്ക്കറെ 362,650 പേരാണ് പിന്തുടരുന്നത്.