അനാവശ്യം പറയുന്നത് നിര്‍ത്തി: അഴീക്കോട്

പുന്നയൂര്‍ക്കുളം: അനാവശ്യങ്ങള്‍ പറയുന്നതു താന്‍ നിര്‍ത്തിയെന്നു സുകുമാര്‍ അഴീക്കോട്. ഖാദിയുടെബ്രാന്‍ഡ് അംബാസഡര്‍ സ്ഥാനത്ത് നടന്‍ മോഹന്‍ലാലിനെ നിയമിക്കുന്നതു സംബന്ധിച്ച വിവാദത്തെ സൂചിപ്പിച്ചുകൊണ്ടായിരുന്നു അഴീക്കോടിന്റെ പരാമര്‍ശം.

കുറച്ചു ദിവസങ്ങളായി ഞാന്‍ അനാവശ്യങ്ങള്‍ക്കു പിന്നാലെയായിരുന്നു. അതു മടുത്തു. ഞാന്‍ പറയുന്നതൊക്കെ അനാവശ്യമാണെന്നാണു ചിലരുടെ പക്ഷം.

എന്റെ അഭിപ്രായങ്ങളിലും വിമര്‍ശനങ്ങളിലും അസ്വസ്ഥരായവരുടെ മനോനില തെറ്റിയ പ്രതികരണങ്ങളാണിവ. അതു കാര്യമാക്കുന്നില്ല. പറഞ്ഞ കാര്യങ്ങളിലെല്ലാം ഇപ്പോഴുംഉറച്ചുനില്‍ക്കുന്നു- അദ്ദേഹം വ്യക്തമാക്കി.

കമല സുരയ്യ ട്രസ്റ്റ് ഞായറാഴ്ച പുന്നയൂര്‍ക്കുളത്തു സംഘടിപ്പിച്ച കമല സുരയ്യ ചരമവാര്‍ഷിക ദിനാചരണം ഉത്്ഘാടനം ചെയ്യുകയായിരുന്നു അദ്ദേഹം.