അമേരിക്കനായാല്‍ തരൂര്‍ മുപ്പത് കെട്ടും: അഴീക്കോട്

കോഴിക്കോട്: അമേരിക്കയില്‍ താമസിച്ചതു കൊണ്ട് മാത്രം മൂന്നാമത്തെ കല്യാണത്തിനൊരുങ്ങുന്ന ശശി തരൂര്‍ അമേരിക്കന്‍ പൗരത്വമുണ്ടായിരുന്നെങ്കില്‍ മുപ്പതു കല്യാണം കഴിച്ചേനെയെന്ന് സുകുമാര്‍ അഴീക്കോട്.

വടകരയില്‍ കടത്തനാട് മാധവിയമ്മ ജന്മശതാബ്ദി ആഘോഷചടങ്ങുകള്‍ ഉദ്ഘാടനം ചെയ്യുകയായിരുന്നു അഴീക്കോട്.

ഞാന്‍ ഇതുവരെ വിവാഹം കഴിച്ചിട്ടില്ല. സ്ത്രീകളെ ഉപദ്രവിച്ചിട്ടുമില്ല. അമേരിക്കയില്‍ വിവാഹം കഴിയ്ക്കുകയും വിവാഹമോചിതരാവുന്നതും ശീലമാണെന്ന് അഴീക്കോട് പറഞ്ഞു.

കറുത്തവനായതിനാല്‍ ഒബാമയുടെ ഹൃദയത്തിന് ചെറിയമാറ്റമുണ്ട്. എന്നാല്‍ ആ രാജ്യത്തിന്റെ പൊതുസ്വഭാവത്തില്‍ നിന്നും അയാള്‍ മോചിതനല്ല. അച്ഛനെക്കാള്‍ തന്റെ മനസ്സില്‍ സ്‌നേഹമയീയായ അമ്മയാണ് നിറഞ്ഞുനില്‍ക്കുന്നതെന്നും അഴീക്കോട് പറഞ്ഞു.