ജോസഫ് 120 കോടിയുടെ നഷ്ടമുണ്ടാക്കി

തിരുവനന്തപുരം: എല്‍ഡിഎഫില്‍ നിന്നും പുറത്തുപോയെ മുന്‍ പൊതുമരാമത്ത് മന്ത്രി പിജെ ജോസഫ് സര്‍ക്കാരിന് 120 കോടിയുടെ നഷ്ടം വരുത്തിവെച്ചുവെന്ന് ധനമന്ത്രി തോമസ് ഐസക്. ധനവകുപ്പിന്റെ അനുമതിയില്ലാതെ പതിബലിന് കെഎസ്ടിപി കരാര്‍ നീട്ടിക്കൊടുത്തതുമൂലം 120 കോടിരൂപയുടെ നഷ്ടം ഖജനാവിനുണ്ടായെന്നാണ് ഐസക്കിന്റെ ആരോപണം.

ധനവകുപ്പ് അറിയാതെയാണ് ഈ തീരുമാനം പൊതുമരാമത്ത് മന്ത്രി കൈക്കൊണ്ടതെന്നും അദ്ദേഹം തിരുവനന്തപുരത്ത് വാര്‍ത്താ സമ്മേളനത്തില്‍ പറഞ്ഞു.

ഓണം പ്രമാണിച്ച് കേരളത്തിലെ മുഴുവന്‍ ക്ഷേമപെന്‍ഷന്‍കാര്‍ക്കും സെപ്തംബര്‍ വരെയുള്ള പെന്‍ഷനും തൊഴിലില്ലായ്മ വേതനവും ജൂലായില്‍ വിതരണം ചെയ്യാന്‍ തീരുമാനിച്ചിട്ടുണ്ട്. നിലവിലുള്ള പിഎസ്‌സി റാങ്ക്‌ലിസ്റ്റ് അടുത്തവര്‍ഷം മെയ് 31 വരെ നീട്ടുമെന്നും മന്ത്രി അറിയിച്ചു.