ബാംഗ്ലൂരിലെ ടെക്കികളെ ലക്ഷ്യമിട്ട് കൊള്ളസംഘം
ബാംഗ്ലൂര്: രാത്രി ഷിഫ്റ്റിലെ ജോലികഴിഞ്ഞെത്തുന്ന ടെക്കികളെ ലക്ഷ്യമാക്കി ബാംഗ്ലൂരില് കൊള്ളസംഘങ്ങള് പെരുകുന്നതായി റിപ്പോര്ട്ട്.
വന്കിട ഐടി സ്ഥാപനങ്ങളില് നിന്നും രാത്രിജോലികളിഞ്ഞ് പുലര്ച്ചെ താമസസ്ഥലത്തേയ്ക്ക് തിരിക്കുന്ന ഐടിക്കാരുടെ ലാപ്ടോപ്പുകളും വിലപിടിപ്പുള്ള മറ്റുവസ്തുക്കളും തട്ടിയെടക്കലാണ് സംഘങ്ങളുടെ പ്രധാന പരിപാടി.
കഴിഞ്ഞ ദിവസം മൈകോ ലേഔട്ട് പൊലീസ് ഇത്തരം രണ്ടു സംഘങ്ങളെ ഹൊസൂരില് വച്ച് അറസ്റ്റുചെയ്തിട്ടുണ്ട്. ഇവരില് നിന്നും 33 ലാപ്ടോപ്പുകളും ഇരുചക്രവാഹനങ്ങളും മറ്റു വിലപിടിപ്പുള്ള വസ്തുക്കളുമുള്പ്പെടെ 23ലക്ഷം രൂപയുടെ വസ്തുക്കളും പിടിച്ചെടുത്തിട്ടുണ്ടെന്ന് പൊലീസ് അറിയിച്ചു.
ഇതില് ഒരു സംഘത്തില് ഹൊസൂരില് നിന്നും ബാംഗ്ലൂരിലേയ്ക്ക ബസില് യാത്രചെയ്യുന്നതിനിടെയാണ് പിടികൂടിയത്.
ബിടിഎം ലേഔട്ട്, മൈകോ ലേഔട്ട്, എച്ച്എസ്ആര് ലേഔട്ട് എന്നിവിടങ്ങളില് സോഫ്റ്റ് വേര് എന്ജിനീയര്മാര് താമസിക്കുന്ന വീടുകള് ലക്ഷ്യമിട്ട് ഇതിനെ കേന്ദ്രീകരിച്ചാണ് തങ്ങള് പ്രവര്ത്തിക്കുന്നതെന്ന് സംഘാംഗങ്ങള് പൊലീസിനോട് വെളിപ്പെടുത്തിയിട്ടുണ്ട്.
ഇവരുടെ പ്രധാന ലക്ഷ്യം ലാപ്ടോപ്പുകളും വിലയേറിയ മൊബൈല് ഫോണുകളുമാണ്. എന്നാല് രണ്ടാമത്തെ സംഘമാകട്ടെ ഇരുചക്രവാഹനമോഷണമാണത്രേ ലക്ഷ്യമിടുന്നത്.