ഈ പകലിന് നീളം 14മണിക്കൂര്‍

ദില്ലി: 2010ലെ ഏറ്റവും ദൈര്‍ഘ്യമേറിയ പകല്‍ ജൂണ്‍ 21 തിങ്കളാഴ്ച. ദില്ലിയില്‍ പുലര്‍ച്ചെ 5.24നു സൂര്യനുദിച്ചാല്‍ വൈകിട്ട് 7.22ന് ആണ് അസ്തമയം. ഉത്തരാര്‍ദ്ധഗോളത്തിലെ ഏറ്റവും ദൈര്‍ഘ്യമേറിയതാണ് ഈ പകല്‍.

പതിനാലു മണിക്കൂര്‍ നീളുന്ന പകലിനാണ് തിങ്കളാഴ്ച സാക്ഷ്യം വഹിക്കുക. ഭൂമിയുടെ അച്ചുതണ്ട് സൂര്യന് ഏറ്റവും അഭിമുഖമായും എതിരായും വരുമ്പോഴാണു പകലിനും രാവിനും ഉത്തരാര്‍ദ്ധത്തിലും ദക്ഷിണാര്‍ദ്ധത്തിലും ദൈര്‍ഘ്യമേറുന്നത്.

പലസ്ഥലങ്ങളിലും പകലിന്റെ ദൈര്‍ഘ്യം വ്യത്യാസപ്പെട്ടിരിക്കും, അബുദബിയില്‍ 13മണിക്കൂറും 36മിനിറ്റും ദൈര്‍ഘ്യമുള്ള പകലായിരിക്കും ഇത്, എന്നാല്‍ കുവൈത്തില്‍ ഇത് 14മണിക്കൂര്‍ നീളും.