അഭിമാനഹത്യ: സുപ്രീം കോടതി നോട്ടീസ് അയച്ചു

ദില്ലി: രാജ്യത്തെ വിവിധ സംസ്ഥാനങ്ങളില്‍ നിന്നായി റിപ്പോര്‍ട്ട് ചെയ്യപ്പെടുന്ന അഭിമാനഹത്യകളെക്കുറിച്ച് സുപ്രീം കോടതി കേന്ദ്ര സര്‍ക്കാരിനും സംസ്ഥാന സര്‍ക്കാരുകള്‍ക്കും നോട്ടീസ് അയച്ചു.

ജാതി പഞ്ചായത്തുകളുടെ പ്രേരണയാല്‍ നടക്കുന്ന ഇത്തരം കൊലപാതകങ്ങളെക്കുറിച്ച് അന്വേഷിക്കണം എന്നാവശ്യപ്പെട്ട് സന്നദ്ധസംഘടനയായ ശക്തി വാഹിനി നല്‍കിയ പരാതിയിലാണ് നോട്ടീസ്.

ജസ്റ്റിസുമാരായ ആര്‍എം ലോധ, എംകെ പട്‌നായിക് എന്നിവരടങ്ങുന്ന ഡിവിഷന്‍ ബെഞ്ചാണ് നോട്ടീസ് അയച്ചത്.