പാതയോരത്തെ പൊതുപരിപാടികള്‍ക്ക് നിയന്ത്രണം

കൊച്ചി: സംസ്ഥാനത്തെ റോഡുകളുടെ സമീപം പൊതു യോഗങ്ങള്‍ ചേരുന്നത് തടയണമെന്ന് ഹൈക്കോടതി നിര്‍ദ്ദേശിച്ചു. ഇത്തരം യോഗങ്ങള്‍ക്ക് അനുമതി നല്‍കരുതെന്നും റവന്യൂ, പൊലീസ, തദ്ദേശ ഭരണ വകുപ്പുകളോട് കോടതി നിര്‍ദ്ദേശിച്ചു.

ആലുവ റെയില്‍വേ സ്‌റ്റേഷനുമുന്നില്‍ സ്ഥിരമായി പൊതുയോഗങ്ങള്‍ സംഘടിപ്പിക്കുന്നതിനെതിരെ സ്വകാര്യ വ്യക്തി നല്‍കിയ ഹര്‍ജിയിലാണ് ഡിവിഷന്‍ ബഞ്ചിന്റെ വിധി.

അനധികൃത യോഗങ്ങള്‍ തടയാന്‍ പൊലീസിന് ഉത്തരവാദിത്തമുണ്ടെന്നും കോടതി ചൂണ്ടിക്കാട്ടി.

കൊച്ചിയില്‍ രാഷ്ട്രീയ പാര്‍ട്ടികളുടെയും സംഘടനകളുടെയും പ്രകടനങ്ങളും പൊതുയോഗങ്ങളും നിയന്ത്രിക്കണമെന്ന് ഹൈക്കോടതി കഴിഞ്ഞ ദിവസം നിര്‍ദേശിച്ചിരുന്നു.