നഗ്നയായി പോസ് ചെയ്ത ജയിലര്‍ കുരുക്കില്‍

ന്യൂയോര്‍ക്ക്: പ്രമുഖ പുരുഷ മാഗസിനായ പ്ലേബോയ്‌യ്ക്കുവേണ്ടി നഗ്നയായി പോസ് ചെയ്ത യുഎസ് ജയിലറെ സസ്‌പെന്റ് ചെയ്തു.

ജെസ്സി ലുന്‍ഡര്‍ബൈ എന്ന 21 കാരിയാണ് ജോലിയില്‍ നിന്നും പുറത്തായത്. സൈബര്‍ ഗേള്‍ ഓഫ് ദ വീക്ക് ആകാന്‍ വേണ്ടിയാണ് ജെസ്സി നഗ്നയായി പോസ് ചെയ്തത്.

വാഷിംഗ്ടണ്‍ കൌണ്ടി ഷെരിഫ് ഓഫീസിലെ ഉദ്യോഗസ്ഥയായ ജെസ്സിയെ അന്വേഷണ വിധേയമായി സസ്‌പെന്‍ഡ് ചെയ്തിരിക്കുകയാണ്. അന്വേഷണം പൂര്‍ത്തിയായാല്‍ ഇവര്‍ക്ക് പുറത്താക്കല്‍ പോലെയുള്ള കടുത്ത ശിക്ഷകള്‍ നേരിടേണ്ടി വരുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

എന്നാല്‍, പ്ലേബോയ്ക്കു വേണ്ടി പോസു ചെയ്യുന്ന കാര്യം താന്‍ സൂപ്പര്‍വൈസറെ അറിയിച്ചിരുന്നു എന്നാണ് ജെസ്സി പറയുന്നത്.

ആവശ്യത്തിലധികം സമയം മേലധികാരികള്‍ക്ക് മുന്നിലുണ്ടായിരുന്നിട്ടും തന്നെ ആരും വിലക്കിയിരുന്നില്ല എന്ന് പറയുന്ന ഇവര്‍ നഗ്നയായി പോസ് ചെയ്തത് ഒരു കുറ്റമായി കാണുന്നില്ല.

നടപടികളില്‍ ജെസ്സി തീര്‍ത്തും അസംതൃപ്തയാണ്. അതുകൊണ്ടുതന്നെ സംഭവം കോടതിയില്‍ എത്തിക്കാന്‍ ഒരു അഭിഭാഷകനെ ചുമതലപ്പെടുത്തിയിരിക്കുകയാണ് അവര്‍.