പെട്രോള്‍, ഡീസല്‍, പാചകവാതക വില കൂട്ടി

ദില്ലി: പെട്രോള്‍, ഡീസല്‍, പാചക വാതക വില കൂട്ടാന്‍ കേന്ദ്ര സര്‍ക്കാര്‍ തീരുമാനിച്ചു. ലിറ്ററിന് പെട്രോളിന് മൂന്നര രൂപയും , ഡീസലിന് രണ്ട് രൂപയും പാചക വാതകത്തിന് സിലിണ്ടറിന് 35 രൂപയുമാണ് വര്‍ദ്ധന.

കേന്ദ്രമന്ത്രിസഭയുടെ പ്രത്യേക സമിതിയാണ് ഈ തീരൂമാനം ജൂണ്‍ 25, വെള്ളിയാഴ്ച ഉച്ചയ്ക്ക് കൈകൊണ്ടത്.

പെട്രോളിന്റെ വില നിശ്ചയിയ്ക്കുന്നതിലുള്ള സര്‍ക്കാര്‍ നിയന്ത്രണം എടുത്തുകളയാനും യോഗം തീരുമാനിച്ചിട്ടുണ്ട്. എന്നാല്‍ പാചക വാതകത്തിന്റെ വിലയുടെ സര്‍ക്കാര്‍ നിയന്ത്രണം നീക്കിയിട്ടില്ല.

മണ്ണെണ്ണയുടെ വില ലിറ്ററിന് മൂന്ന് രൂപയാണ് കൂടുന്നത്.