മുഖ്യമന്ത്രിയുടെ ചടങ്ങില്‍ ആയുധധാരി

തിരുവനന്തപുരം: മുഖ്യമന്ത്രി വിഎസ് അച്യുതാനന്ദന്‍ പങ്കെടുത്ത ചടങ്ങിലേക്ക് കത്തിയുമായെത്തിയ ആളെ പൊലീസ് അറസ്റ്റു ചെയ്തു. തലസ്ഥാനത്തെ ടാഗോര്‍ തിയറ്ററില്‍ മുഖ്യമന്ത്രി പങ്കെടുത്ത ചടങ്ങിലേക്ക്് കത്തിയുമായെത്തിയ മേലാറന്നൂര്‍ സ്വദേശി അജേഷ് കുമറാണ് പിടിയിലായത്.

സ്വയംരക്ഷയ്ക്ക് വേണ്ടിയാണ് ആയുധം കരുതിയതെന്ന് ഇയാള്‍ പറയുന്നു. അഞ്ച് മണിയ്ക്ക് വിഎസ് ചടങ്ങിന് എത്തുന്നതിന് തൊട്ടുമുമ്പാണ് ഇയാളുടെ പക്കല്‍ ആയുധം ഉണ്ടെന്ന് കണ്ടെത്തിയത്.
നാട്ടില്‍ ചിലരുമായി പ്രശ്‌നങ്ങള്‍ ഉണ്‌ടെന്നും ഈ സാഹചര്യത്തിലാണ് കത്തി കരുതിയതെന്നുമാണ് അജേഷ് കുമാറിന്റെ വിശദീകരണം. കൂടുതല്‍ ചോദ്യം ചെയ്യുന്നതിനായി ഇയാളെ പോലീസ് സ്റ്റേഷനിലേയ്ക്ക് കൊണ്ടുപോയി.

നേരത്തേ മുഖ്യമന്ത്രി പങ്കെടുത്ത ചടങ്ങില്‍ വേദിയിലേയ്ക്ക് ഒരാള്‍ ഇരച്ചുകയറാന്‍ ശ്രമിച്ചത് സുരക്ഷാപാളിച്ചയായി വിലയിരുത്തപ്പെട്ടിരുന്നു.