പാതയോരത്ത് യോഗം: ഇപി ജയരാജനെതിരെ കേസ്

കണ്ണൂര്‍: ഹൈക്കോടതി ഉത്തരവ് ലംഘിച്ച് പൊതുനിരത്തുവക്കില്‍ യോഗം ചേര്‍ന്നതിന് സിപിഎം കേന്ദ്രകമ്മറ്റി അംഗം ഇപി ജയരാജനെതിരെ തലശേരി പോലീസ് കേസ് എടുത്തു. കണ്ടാലറിയാവുന്ന 700 ഓളം ഡിവൈഎഫ്‌ഐ പ്രവര്‍ത്തകര്‍ക്കെതിരെയും കേസ് ചാര്‍ജ്ജ് ചെയ്തിട്ടുണ്ട്.

തലശേരി പഴയ ബസ്റ്റാന്‍ഡില്‍നിന്ന് കോടതിയിലേയ്ക്ക് ഡിവൈഎഫ്‌ഐ നടത്തിയ മാര്‍ച്ച് ഉദ്ഘാടനം ചെയ്തത് ഇപി ജയരാജനായിരുന്നു.

ഹൈക്കോടതിയ്‌ക്കെതിരെ രൂക്ഷ വിമര്‍ശനമാണ് ജയരാജന്‍ ഉദ്ഘാടന പ്രസംഗത്തില്‍ നടത്തിയത്. യോഗം നിരോധിച്ച ജഡ്ജിമാരെയാണ് ആദ്യം പ്രോസിക്യൂട്ട് ചെയ്യേണ്ടതെന്ന് അദ്ദേഹം പറഞ്ഞു.