ബിഎസ്എന്എല് പുനസംഘടനയ്ക്ക് പ്രത്യക സമിതി
സാം പിത്രോദ നല്കിയ നിര്ദ്ദേശങ്ങള് നടപ്പാക്കുന്നതിനെക്കുറിച്ച് തീരുമാനിയ്ക്കാനായി ജൂലൈ ഏഴ് ബുധനാഴ്ച ടെലകോം കമ്മിഷന്റെ പൂര്ണയോഗം ചേര്ന്നിരുന്നു. ഈ യോഗത്തിലാണ് പ്രത്യേക സമിതി രൂപീകരിയ്ക്കാന് തീരുമാനമായത്.
സമിതിയില് ടെലകോം ഡിപ്പാര്ട്ട്മെന്റിലെ അംഗങ്ങളും ധനകാര്യവകുപ്പ്, ഇന്റസ്ട്രിയല് പോളിസി, പ്രൊമോഷന് വകുപ്പ് എന്നിവയില് നിന്നുള്ള അംഗങ്ങളും ഉണ്ടാവും.
ബിഎസ്എന്എല് പുനസംഘടിപ്പിയ്ക്കാനുള്ള പ്രധാനമന്ത്രി മന്മോഹന് സിഹിന്റെ നിര്ദ്ദേശങ്ങള് വകുപ്പ് മന്ത്രി എ. രാജ അവഗണിയ്ക്കുകയാണെന്ന് റിപ്പോര്ട്ടുകള് ഉണ്ടായിരുന്നു. വിരമിയ്ക്കുന്ന ബിഎസ്എന്എല് മാനേജിംഗ് ഡയറക്ടര് കുല്തീപ് ഗോയലിന്റെ സ്ഥാനത്തേയ്ക്ക് മറ്റൊരാളെ കണ്ടെത്താനായി പ്രധാനമന്ത്രി ഒരു സമിതിയെ നിയോഗിച്ചിരുന്നു. ഇതിന്റെ നിര്ദ്ദേശങ്ങളെക്കുറിച്ച് രാജ ഒരഭിപ്രായവും പറഞ്ഞിരുന്നില്ല.
രാജ പ്രതിഷേധ നിലപാട് എടുക്കുകയല്ലെന്ന് വ്യക്തമാക്കിക്കൊണ്ടാണ് ബുധനാഴ്ച ടെലകോം വകുപ്പ് ഫുള് ടെലകോം കമ്മിഷന് യോഗം വിളിച്ചത്. പുതുതായി രൂപീകരിയ്ക്കുന്ന സമിതി സാം പിത്രോദ കമ്മറ്റി റിപ്പോര്ട്ടിനെക്കുറിച്ചുള്ള അഭിപ്രായവും നിര്ദ്ദേശങ്ങളും മുന്നോട്ട് വയ്ക്കുന്നതാണ്.
ബിഎസ്എന്എല്ലിന്റെ ഇപ്പോഴത്തെ ഘടന അനുസരിച്ച് പുറത്ത് നിന്ന് ഒരാളെ സിഎംഡി ആയി നിയമിയ്ക്കാനാവില്ലെന്ന് ടെലകോം വകുപ്പ് വ്യക്തമാക്കി. വോഡഫോണ് മന് സിഇഒ അരുണ് സരിനെ ഈസ്ഥാനത്തേയ്ക്ക് കൊണ്ടുവരുമെന്ന് നേരത്തേ റിപ്പോര്ട്ടുകളുണ്ടായിരന്നു.