വഞ്ചിനാട് എക്‌സ്പ്രസില്‍ സ്‌ഫോടക വസ്തുക്കള്‍

കൊല്ലം: എറണാകുളം തിരുവനന്തപുരം വഞ്ചിനാട് എക്‌സ്പ്രസില്‍ സ്‌ഫോടകവസ്തുക്കള്‍ കണ്ടെത്തി. രാവിലെ അഞ്ചു മണിക്ക് എറണാകുളത്തു നിന്നും പുറപ്പെട്ട തീവണ്ടി മാവേലിക്കര റെയില്‍വേസ്‌റ്റേഷനില്‍ എത്തിയപ്പോഴാണ് സ്‌ഫോടകവസ്തുക്കള്‍ കണ്ടെത്തിയത്.

അലുമിനിയം കമ്പികള്‍, സ്‌ഫോടകവസ്തുവായ നിയോജല്‍ 90 എന്നിവയാണ് ബോഗിയില്‍ ഉണ്ടായിരുന്നത്. റെയില്‍വേ പോലീസ് കണ്ടെത്തിയ ഇവ ലോക്കല്‍ പോലീസിന് കൈമാറിയിട്ടുണ്ട്.

വ്യാവസായികമേഖലയില്‍ സ്‌ഫോടനത്തിനുപയോഗിക്കുന്ന രാസവസ്തുവാണ് നിയോജല്‍ 90. ഹൈദരാബാദില്‍ 2007 ല്‍ നടന്ന സ്‌ഫോടന പരമ്പരയില്‍ നിയോജല്‍ ആണ് ഉപയോഗിച്ചിരുന്നത്.