മദനിയുടെ മുന്കൂര് ജാമ്യാപേക്ഷ കോടതി തള്ളി
കര്ണാടക ഹൈക്കോടതിയില് വീണ്ടും മുന്കൂര് ജാമ്യാപേക്ഷ സമര്പ്പിക്കുമെന്നും ബാക്കി കാര്യങ്ങള് വിധിയുടെ പകര്പ്പ് ലഭിച്ചതിനുശേഷം തീരുമാനിക്കുമെന്ന് മനിയുടെ അഭിഭാഷകന് ഉസ്മാന് അറിയിച്ചു.
മദനിയുടെ ജാമ്യാപേക്ഷയില് വ്യാഴാഴ്ച തന്നെ വാദം പൂര്ത്തിയായിരുന്നു. കോടതിയില്നിന്ന് ജാമ്യം ലഭിക്കുമെന്ന് ഒരു ശതമാനംപോലും പ്രതീക്ഷയില്ലെന്ന് അബ്ദുള് നാസര് മദനി ഉച്ചയ്ക്ക് ജുമാ നമസ്കാരത്തിന് ശേഷം നടത്തിയ പ്രഭാഷണത്തില് പറഞ്ഞിരുന്നു.
മുന്കൂര് ജാമ്യം നിഷേധിച്ചുകൊണ്ടുള്ള വിധി വന്നയുടനെ കൊല്ലം അര്വാശ്ശേരിയില് മഅദനിയുടെ വസതിക്കുമുന്നില് പിഡിപി പ്രവര്ത്തകര് മദനിക്ക് അനുകൂലമായി മുദ്രാവാക്യം വിളിച്ചു.
ലഷ്കര് ഇ തൊയ്ബ ദക്ഷിണേന്ത്യന് നേതാവ് തടിയന്റവിട നസീര്, ഷഫാസ്, ഷംസുദ്ദീന് എന്നിവരെ ചോദ്യംചെയ്തതില് നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് മദനിക്കെതിരെയുള്ള അനുബന്ധകുറ്റപത്രം തയ്യാറാക്കിയിട്ടുള്ളത്. കേസില് മുപ്പത്തിയൊന്നാം പ്രതിയാണ് മദനി.
Click it and Unblock the Notifications
Sign in with Google