റെയ്ഡില്‍ തോക്കും കണ്ടെത്തി

കൊച്ചി: ന്യൂമാന്‍ കോളെജ് അധ്യാപകന്‍ ടിജെ ജോസഫിന്റെ കൈവെട്ടിയ സംഭവത്തിലെ അന്വേഷണത്തിന്റെ ഭാഗമായി നടത്തിയ റെയ്ഡില്‍ പോപ്പുലര്‍ ഫ്രണ്ട് നേതാവിന്റെ വീട്ടില്‍നിന്നു തോക്ക് കണ്ടെടുത്തു. പോപ്പുലര്‍ ഫ്രണ്ട് ജില്ലാ കമ്മിറ്റി അംഗം തായിക്കാട്ടുകര ദാറുസലാം അയ്യൂബിന്റെ വീട്ടില്‍ നിന്നാണു തോക്ക് ലഭിച്ചത്. വ്യാഴാഴ്ച രാത്രി ഏഴരയോടെയായിരുന്നു റെയ്ഡ്.

പോപ്പുലര്‍ ഫ്രണ്ടിന്റെ ആലുവയില്‍ ഉള്ള എറണാകുളം ജില്ലാ ആസ്ഥാനത്തും പൊലീസ് റെയ്ഡ് നടത്തി. വ്യാഴാഴ്ച ഉച്ചയ്ക്കു ശേഷം ആലുവ എഎസ്പി ജെ. ജയനാഥിന്റെ നേതൃത്വത്തില്‍ വന്‍ പൊലീസ് സന്നാഹമാണ് ആലുവ കുഞ്ഞുണ്ണിക്കരയില്‍ ഉള്ള പെരിയാര്‍ വാലി ക്യാംപസില്‍ റെയ്ഡ് നടത്തിയത്.

തീവ്രവാദത്തെ പ്രോത്സാഹിക്കുന്ന ലഘുലേഖകള്‍, സിഡികള്‍, ആഗസ്റ്റ് 15ന് ആലുവയില്‍ നടത്താന്‍ നിശ്ചയിച്ചിരിക്കുന്ന ഫ്രീഡം പരേഡിന്റെ യൂണിഫോമുകള്‍ എന്നിവ റെയ്ഡില്‍ പിടിച്ചെടുത്തു.