ഓസീസ് പ്രധാനമന്ത്രിക്ക് നേരെ മുട്ടയേറ്

സിഡ്‌നി: ആസ്‌ത്രേലിയയുടെ പുതിയ പ്രധാനമന്ത്രി ജൂലിയ ഗില്ലാര്‍ഡി് മുട്ടയേറില്‍ നിന്ന് കഷ്ടിച്ചു രക്ഷപ്പെട്ടു. പെര്‍ത്തില്‍ സന്ദര്‍ശനം നടത്തുന്നതിനിടെയാണ് ഗില്ലാര്‍ഡിനു നേരെ മുട്ടയേറുണ്ടായത്. എന്നാല്‍ ഏറ് ലക്ഷ്യം തെറ്റി പ്രധാനമന്ത്രിയുടെ സമീപത്തുണ്ടായിരുന്ന വനിതാ സുരക്ഷാ ഉദ്യോഗസ്ഥയുടെ ദേഹത്താണു കൊണ്ടത്.

ഒരു റേഡിയോ അഭിമുഖത്തിനായി ആസ്‌ത്രേലിയന്‍ ബ്രോഡ്കാസ്റ്റിങ് കോര്‍പ്പറേഷന്റെ (എബിസി) ഓഫിസിലെത്തിയപ്പോഴാണ് ഗില്ലാര്‍ഡിനെ ലക്ഷ്യമാക്കി 55കാരനായ ഒരാള്‍ മുട്ട എറിഞ്ഞത്.

തനിക്കു നേരെ എന്തോ എറിയുന്നതു കണ്ട പ്രധാനമന്ത്രി പെട്ടെന്ന് ഒഴിഞ്ഞു മാറുകയായിരുന്നു. പകരം മുട്ടയേറു കൊണ്ട സുരക്ഷാ ഉദ്യോഗസ്ഥയോടും മാപ്പു പറയാനും ഗില്ലാര്‍ഡ് തയാറായി

മുട്ട എറിഞ്ഞയാളെ പിന്നീടുസമീപത്തെ കോഫി ഷോപ്പില്‍ നിന്നു പൊലീസ് അറസ്റ്റു ചെയ്തു.വെന്ന് എബിസി റിപ്പോര്‍ട്ട് ചെയ്തു.