കൈപ്പത്തി വെട്ടിയകേസ്: 3 പേര്‍കൂടി പിടിയില്‍

കൊച്ചി: കൈവെട്ട് കേസുമായി ബന്ധപ്പെട്ട് മൂന്ന്പേരെക്കൂടി പൊലീസ് അറസ്റ്റ് ചെയ്തു. കൈ വെട്ടല്‍ സംഭവം ആസൂത്രണം ചെയ്തവര്‍ക്ക് വ്യാജസിംകാര്‍ഡുകള്‍ നല്‍കിയതുമായി ബന്ധപ്പെട്ടാണ് മൂന്നുപേരെ പോലീസ് അറസ്റ്റുചെയ്തത്.

തൊടുപുഴ ന്യൂമാന്‍കോളെജിലെ അധ്യാപകന്‍ പ്രൊഫ. ടി.ജെ ജോസഫിന്റെ കൈയാണ് അക്രമികള്‍ വെട്ടി മാറ്റിയത്.

സിംകാര്‍ഡ് വിതരണം ചെയ്ത റാഫ് ഏജന്‍സിയുടെ ഉടമ അജാഫ്, രണ്ട് സ്വകാര്യ മൊബൈല്‍ കമ്പനികളിലെ ജീവനക്കാരായ സിജു, രാജന്‍ എന്നിവരാണ് അറസ്റ്റിലായത്. ഇവരെ ജൂലൈ 12 തിങ്കളാഴ്ച കോടതിയില്‍ ഹാജരാക്കും. ജൂലൈ 10 ശനിയാഴ്ച കസ്റ്റഡിയില്‍ എടുത്ത ഇവരുടെ അറസ്റ്റ് ഞായറാഴ്ച രാവിലെയാണ് രേഖപ്പെടുത്തിയത്.