ആഗസ്റ്റ് 3 മുതല്‍ അനിശ്ചിതകാല ബസ് സമരം

തിരുവനന്തപുരം: ഇന്ധനവിലവര്‍ധനവിന്റെ പശ്ചാത്തലത്തില്‍ ബസ് ചാര്‍ജ് വര്‍ധിപ്പിക്കണമെന്നാവശ്യപ്പെട്ട് ആഗസ്ത് മൂന്ന് മുതല്‍ സ്വകാര്യ ബസ്സുകള്‍ അനിശ്ചിതകാല സമരം നടത്തും.

തിരുവനന്തപുരത്ത് ചേര്‍ന്ന സ്വകാര്യബസ്സുടമകളുടെ കോര്‍ഡിനേഷന്‍ കമ്മറ്റി യോഗമാണ് സമരം സംബന്ധിച്ച് തീരുമാനമെടുത്തത്.

അനിശ്ചിതകാല പണിമുടക്കിന് മുന്നോടിയായി ഈ മാസം 22ന് സൂചനാപണിമുടക്കും നടത്തും. ഇതുസംബന്ധിച്ച് സര്‍ക്കാരിന് ചൊവ്വാഴ്ച തന്നെ നോട്ടീസ് നല്‍കുമെന്നും ഭാരവാഹികള്‍ അറിയിച്ചു.