പീഡിപ്പിക്കപ്പെടുന്ന ഭര്ത്താക്കന്മാര്ക്ക് സംഘടന
കോഴിക്കോട്: ചില ന്യായാധിപന്മാരും പൊലീസ് ഉള്പ്പെടുന്ന സര്ക്കാര് ഉദ്യോഗസ്ഥരും പുരുഷന്മാര്ക്ക് നീതി നിഷേധിച്ച് പീഡിപ്പിയ്ക്കുന്നതിനെതിരെ ജനമിത്രം ജനകീയ വേദി ആഗസ്റ്റ് 15ന് സംസ്ഥാന വ്യാപകമായി പ്രക്ഷോഭം തുടങ്ങുമെന്ന് സംഘടനയുടെ ഭാരവാഹികള് അറിയിച്ചു.
ഇതിന് മുന്നോടിയായി ആഗസ്റ്റ് എട്ടിന് കോഴിക്കോട്ട് ജനകീയ കൂട്ടായ്മ ചേരും. ചില കുടുംബകോടതികളിലും മറ്റും സ്ത്രീകള് തെളിവിന്റെ അഭാവത്തില് നല്കുന്ന പരാതികള് പരിഗണിക്കുകയും പുരുഷന്മാര് തെളിവോടെ നല്കുന്ന പരാതികള് അവഗണിക്കുകയും ചെയ്യുന്നത് പതിവായിട്ടുണ്ടെന്നും ഭാരവാഹികള് ആരോപിയ്ക്കുന്നു.
പീഡനങ്ങള്ക്കിരയായ പുരുഷന്മാര്ക്ക് വേദനകള് പങ്കുവെക്കാനുള്ള വേദിയെന്ന നിലയ്ക്കാണ് ജനമിത്രം ജനകീയ നീതിവേദിയാണ് ശിക്ഷക് സദന് രൂപീകരിച്ചിരിയ്ക്കുന്നത്. സംഘടനയുടെ കൂട്ടായ്മയില് പങ്കെടുത്തവര് പലരും കുടുംബകോടതികളുടെ പ്രവര്ത്തനത്തെ കുറ്റപ്പെടുത്തുന്നു.
കുടുംബകോടതിയില് ഒരു ജഡ്ജി മാത്രമുള്ള രീതി മാറ്റി ഉപഭോക്തൃ ഫോറം പോലെ രണ്ട് സാമൂഹിക പ്രവര്ത്തകരെക്കൂടി നിയോഗിക്കണമെന്നും ഭാരവാഹികള് ആവശ്യപ്പെട്ടു.