കൈവെട്ട് കേസ്: ഡോക്ടര്‍ അറസ്റ്റില്‍

മൂവാറ്റുപുഴ: ന്യൂമാന്‍ കോളജ് അധ്യാപകന്റെ കൈവെട്ടിയ കേസുമായി ബന്ധപ്പെട്ട് പ്രതികളെ ചികില്‍സിച്ച ഡോക്ടര്‍ അറസ്റ്റില്‍. പോപ്പുലര്‍ ഫ്രണ്ട് പ്രവര്‍ത്തകന്‍ കൂടിയായ ഡോക്ടര്‍ റെനീഷിനെയാണ് കസ്റ്റഡിയിലെടുത്തത്. ഫ്രീഡം പരേഡിന്റെ ആലുവ മേഖലയുടെ ചുമതലക്കാരന്‍ കൂടിയാണ് ഇയാള്‍.

അധ്യാപകനെ ആക്രമിക്കുന്നതിനിടെയാണ് പ്രതികള്‍ക്ക് പരിക്കേറ്റത്. തുടര്‍ന്ന് ഇവര്‍ റെനീഷിന്‍െറ ക്ലീനിക്കില്‍ ചികില്‍സയ്‌ക്കെത്തുകയായിരുന്നു.

അറസ്റ്റിന് പിന്നാലെ റെനീഷിന്റെ വീട്ടില്‍ പോലീസ് റെയ്ഡ് നടത്തി. ഒട്ടേറെ ലഘു ലേഖകളും സിഡികളും കണ്ടെടുത്തു. ഇയാളുടെ ലാപ്‌ടോപ്പും കമ്പ്യൂട്ടറിന്റെ ഹാര്‍ഡ് ഡിസ്ക്കും പൊലീസ് കസ്‌റഡിയിലെടുത്തിട്ടുണ്ട്.