കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കേരളയെ മാറ്റി കേരളമാക്കുമെന്ന് വിഎസ്

  • By Lakshmi
Google Oneindia Malayalam News

VS Achuthanandan
തിരുവനന്തപുരം: സംസ്ഥാനത്തിന്റെ പേരിലുള്ള ഇം്ഗ്ലീഷ് ചുവ മാറ്റുമെന്നും എല്ലാ ഔദ്യോഗിക രേഖകളിലും കേരളം എന്നുതന്നെ എഴുതുന്നതിനുള്ള നിര്‍ദ്ദേശം പരിഗണനയിലാണെന്നും മുഖ്യമന്ത്രി വിഎസ് അച്യുതാനന്ദന്‍.

കേരള എന്ന പ്രയോഗം മാറ്റി കേരളം എന്നുതന്നെയാക്കാനുള്ള നിര്‍ദ്ദേശം സര്‍ക്കാര്‍ പരിഗണിച്ചുവരുകയാണെന്ന് അദ്ദേഹം നിയമസഭയിലാണ് അറിയിച്ചത്.

വിദഗ്ദ്ധരുമായി കൂടിയാലോചിച്ച ശേഷം സമവായത്തിലൂടെ മാത്രമേ ഇക്കാര്യത്തില്‍ അന്തിമ തീരുമാനം എടുക്കാനാവൂ എന്നും മുഖ്യമന്ത്രി വ്യക്തമാക്കി. സിപിഎമ്മിലെ ബാബു എം പള്ളിശ്ശേരി ഉന്നയിച്ച സബ്മിഷന് മറുപടി പറയുകയായിരുന്നു അദ്ദേഹം.

ട്രിച്ചൂര്‍, കാലിക്കറ്റ് എന്നിവയുടെ സ്‌പെല്ലിംഗ് യഥാക്രമം ത്രിശൂര്‍, കോഴിക്കോട് എന്നിവയിലേക്ക് മാറ്റിയത് പള്ളിശ്ശേരി ചൂണ്ടിക്കാട്ടി. അതുകൊണ്ടുതന്നെ കേരങ്ങളുടെ നാട് എന്ന അര്‍ത്ഥത്തില്‍ കേരളയെ 'കേരളം' ആക്കുന്നതില്‍ താമസം പാടില്ലെന്നും അദ്ദേഹം ആവശ്യപ്പെട്ടു.

കേരളംഎന്ന് മലയാളത്തില്‍ ഉച്ചരിക്കുന്ന പോലെ തന്നെ അതിന്റെ ഇംഗ്ലീഷ് സ്‌പെല്ലിംഗ് മാറ്റിയെടുക്കണമെന്ന് ഏറെ കാലമായി വിവിധ കോണുകളില്‍ നിന്ന് ആവശ്യമുയര്‍ന്നു കൊണ്ടിരിക്കുകയായിരുന്നു.

'ബോംബെയുള്‍പ്പെടെയുള്ള പേരുകള്‍ മാറ്റിയത് ചൂണ്ടിക്കാട്ടിയാണ് സംസ്ഥാനത്തിന്റെ പേരിലും മാറ്റങ്ങള്‍ വേണമെന്ന ആവശ്യം ഉയര്‍ന്നത്. മലയാളത്തില്‍ ഉച്ചരിക്കുന്ന പോലെ തന്നെയാണ് സ്ഥലങ്ങളുടെ ഔദ്യോഗിക പേരുകളിലെ സ്‌പെല്ലിംഗ് എഴുതിയിരിക്കുന്നതെന്ന് ഉറപ്പ് വരുത്താനായി റവന്യൂ മന്ത്രിയുടെ നേതൃത്വത്തില്‍ ഇതിനകം തന്നെ ഒരു കമ്മിറ്റി നിലവിലുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X