യുഎന്‍ സമാധാന സേന ലൈംഗിക വിവാദത്തില്‍

ലണ്ടന്‍: കോംഗോയില്‍ സമാധാന ദൗത്യവുമായി പോയ ഐക്യരാഷ്ട്രസഭയുടെ കീഴിലുള്ള സൈനിക സംഘത്തിലെ രണ്ട് പേര്‍ക്കെതിരെ ലൈംഗിക പീഡനം സംബന്ധിച്ച് ആരോപണമുയര്‍ന്നു.

ഇക്കാര്യം സംബന്ധിച്ച് പരാതി ലഭിച്ചിട്ടുണ്ടെന്നും ഇത്തരം വിഷയങ്ങള്‍ പരിശോധിക്കുന്നതിനുള്ള ഐക്യരാഷ്ട്രസഭയുടെ ആഭ്യന്തര സമിതി അന്വേഷിക്കുമെന്നും യു.എന്‍. വക്താവ് ഫര്‍ഹാന്‍ ഹഖ് പറഞ്ഞു.

അന്വേഷണം ആരംഭിച്ചുകഴിഞ്ഞതായും കൂടുതല്‍ വിവരങ്ങള്‍ പിന്നീട് വെളിപ്പെടുത്താമെന്നും അദ്ദേഹം വ്യക്തമാക്കി.

പീഡനത്തിന്റെ ആരോപിതരായ സൈനികര്‍ ആരെല്ലാമാണെന്ന് യു.എന്‍. വ്യക്തമാക്കിയിട്ടില്ല. 20,000 ത്തോളം സൈനികരാണ് ഐക്യരാഷ്ട്രസഭയുടെ കീഴില്‍ കോംഗോയില്‍ ദൗത്യസംഘത്തിലുള്ളത്.

ആഭ്യന്തര കലാപം രൂക്ഷമായിട്ടുള്ള കോംഗോയില്‍ സമാധാന ദൗത്യവുമായി പോയ സൈനികര്‍ അവിടെ സൃഷ്ടിക്കുന്ന പ്രശ്‌നങ്ങളെക്കുറിച്ച് നേരത്തെ തന്നെ ആരോപണങ്ങളുയര്‍ന്നിട്ടുണ്ട്.