യോഗനിരോധനം: ഹര്‍ജി മാറ്റി

കൊച്ചി: പൊതുനിരത്തിന് സമീപം സമ്മേളനങ്ങളും യോഗങ്ങളും നിരോധിച്ച ഹൈക്കോടതി വിധിയ്‌ക്കെതിരെ സര്‍ക്കാര്‍ നല്‍കിയ റിവ്യൂഹര്‍ജ്ജി പരിഗണിക്കുന്നത് വെള്ളിയാഴ്ചത്തേയ്ക്ക് മാറ്റി.

വിധി സ്വാഭാവിക നീതിയുടെ ലംഘനമാണെന്ന് ഹര്‍ജിയില്‍ ചൂണ്ടിക്കാട്ടുന്നു. സര്‍ക്കാരിന്റെ ഭാഗം കേള്‍ക്കാതെയാണ് യോഗം നിരോധിച്ചുകൊണ്ടുള്ള ഉത്തരവ്.

ഭരണഘടന വിഭാവനം ചെയ്യുന്ന മൗലികാവകാശങ്ങളായ അഭിപ്രായ സ്വാതന്ത്ര്യം, സമ്മേളിക്കാനുള്ള അവകാശം എന്നിവയെ ഹനിയ്ക്കുന്നതാണ് വിധിയെന്നും ഹര്‍ജിയില്‍ സര്‍ക്കാര്‍ വിശദീകരിയ്ക്കുന്നു.