വിപ്രൊയുടെ ലാഭത്തിന്‍ വന്‍ ഉയര്‍ച്ച

ബാംഗ്ലൂര്‍: വിപ്രൊയുടെ ലാഭത്തില്‍ വന്‍ ഉയര്‍ച്ച. 2010-11 ധനകാര്യ വര്‍ഷത്തിലെ ആദ്യ പാദത്തിലെ ലാഭമാണ് പ്രതീക്ഷകളെ ഒക്കെ ഭേദിച്ചുകൊണ്ട് 30 ശതമാനം കൂടിയത്. ഏപ്രില്‍-ജൂണ്‍ മാസത്തിലെ ആദ്യ പാദത്തില്‍ വിപ്രൊ ഉണ്ടാക്കിയത് 1318.6 കോടി രൂപയുടെ ലാഭമാണ്. ഇത് കഴിഞ്ഞവര്‍ഷം ഇതേ സമയം ഉണ്ടാക്കിയതിനേക്കാള്‍ 30 ശതമാനം കൂടുതലാണ്.

കഴിഞ്ഞ ഏപ്രില്‍-ജൂണ്‍ സമയത്ത് 1010.4 കോടി രൂപയായിരുന്നു വിപ്രൊയുടെ ലാഭം. വിപ്രോയുടെ വിവിധ വില്പനകളില്‍ നിന്നുള്ള വരുമാനം 15.85 ശതമാനമാണ് കൂടിയത്. ഇത് ഈ ആദ്യ പാദത്തില്‍ 7,236.4 കോടി ആണ്. 2009ലെ ആദ്യ പാദത്തില്‍ ഇത് 6,246.2 കോടി ആയിരുന്നു. 2010 ലെ ആദ്യ പാദത്തില്‍ കമ്പനി 4,854 ജീവനക്കാരെക്കൂടി നിയമിച്ചു. ഇപ്പോള്‍ വിപ്രൊയുടെ ആകെ ജീവനക്കാരുടെ എണ്ണം 1.12 ലക്ഷം പേരാണ്.