സത്യം തട്ടിപ്പ്: വാദം വ്യാഴാഴ്ച തുടങ്ങും

ഹൈദരാബാദ്: സത്യം കമ്പ്യൂട്ടേഴ്‌സ് സാമ്പത്തിക തട്ടിപ്പുകേസിന്റെ വാദം ജൂലൈ 29ന് വ്യാഴാഴ്ച തുടങ്ങും. തിങ്കളാഴ്ച കേസ് പരിഗണിച്ച പ്രത്യേക കോടതി വാദം വ്യാഴാഴ്ചയിലേയ്ക്ക് മാറ്റുകയായിരുന്നു.

പത്ത് പ്രതികളുടെ വിസ്താരവും വാദവുമാണ് വ്യാഴാഴ്ച മുതല്‍ ആരംഭിക്കുന്നത്. സത്യം കമ്പ്യൂട്ടേഴ്‌സിന്റെ സ്ഥാപകനായ ബി രാമലിംഗരാജുവാണ് കേസിലെ ഒന്നാം പ്രതി.

ഇപ്പോള്‍ ഈ കേസിലെ പ്രതികളില്‍ രാമലിംഗരാജു മാത്രാമണ് ജുഡീഷ്യല്‍ കസ്റ്റഡിയില്‍ കഴിയുന്നത്. ബാക്കിയുള്ളവര്‍ക്കെല്ലാം ആന്ധ്ര ഹൈക്കോടതി ജാമ്യം അനുവദിച്ചിട്ടുണ്ട്.

ഇന്ത്യയില്‍ നടന്ന ഏറ്റവും വലിയ കോര്‍പ്പറേറ്റ് കുംഭകോണമെന്ന നിലയിലാണ് സത്യം കേസ് കുപ്രസിദ്ധി നേടിയത്.

രാമലിംഗരാജുവും കൂട്ടരും നടത്തിയ ക്രമക്കേടിനെത്തുടര്‍ന്ന് പ്രതിസന്ധിയിലാണ് സ്ഥാപനത്തെ പഴയഅവസ്ഥയിലേയ്ക്ക് കൊണ്ടുവരാന്‍ കേന്ദ്രസര്‍ക്കാര്‍ ഡയറക്ടര്‍ ബോര്‍ഡിനെ നിയമിച്ചിരുന്നു. പിന്നീട് ടെക് മഹിന്ദ്ര സത്യത്തെ ഏറ്റെടുക്കുകയാണുണ്ടായത്.