കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പോപ്പുലര്‍ ഫ്രണ്ട്: യുഡിഎഫിന് പൊള്ളുന്നതെന്തിന്?

  • By Ajith Babu
Google Oneindia Malayalam News

VS Achuthanandan
തിരുവനന്തപുരം: പോപ്പുലര്‍ ഫ്രണ്ടിനെകുറിച്ച് കഴിഞ്ഞ ദിവസം നടത്തിയ പ്രസ്താവനയെ ന്യായീകരിച്ചു കൊണ്ട് മുഖ്യമന്ത്രി വിഎസ് അച്യുതാനന്ദന്‍ നിയമസഭയില്‍ വിശദീകരണം നല്‍കി. തന്റെ പ്രസതാവന മുസ്ലീം വിരുദ്ധമാണെന്ന ചിലരുടെ വിമര്‍ശനം ദുരുദ്ദേശത്തോടെയാണ്.

വ്യക്തമായ തെളിവുകളുടെ അടിസ്ഥാനത്തിലാണ് താന്‍ പോപ്പുലര്‍ ഫ്രണ്ടിനെകുറിച്ച് ആരോപണം ഉന്നയിച്ചത്. പോപ്പുലര്‍ ഫ്രണ്ടിനെ വിമര്‍ശിക്കുമ്പോള്‍ യുഡിഎഫിന് പൊള്ളുന്നതെന്തിനാണെന്ന് മുഖ്യമന്ത്രി ചോദിച്ചു.

മുസ്ലീം ലീഗിന്റെ വിമര്‍ശനം രാഷ്ട്രീയ ലക്ഷ്യത്തോടെയാണ്. മുസ്ലീം സമുദായത്തിലെ ഭൂരിപക്ഷത്തിന്റെ പിന്തുണ പോപ്പുലര്‍ ഫ്രണ്ടിന് ഒപ്പമല്ല. മുസ്ലീം സമുദായത്തിലെ ചെറിയൊരു വിഭാഗം മാത്രമാണ് പോപ്പുലര്‍ ഫ്രണ്ടിനോട് അനുഭാവം പ്രകിടപ്പിയ്ക്കുന്നത്.

ആര്‍.എസ്.എസിനെയും ഹിന്ദു തീവ്രവദത്തെയും എതിര്‍ക്കുന്ന സമീപനമാണ് തന്റേത്. അതിനര്‍ഥം സിപിഎം ഹിന്ദു സമുദായത്തിന് എതിരാണ് എന്നതല്ല. വിഎച്ച്പിയെയും ആര്‍എസ്എസിനെയും പോലെ വര്‍ഗീയ സംഘര്‍ഷം സൃഷ്ടിക്കാനാണ് പോപ്പുലര്‍ ഫ്രണ്ടും ശ്രമിക്കുന്നതെന്ന് മുഖ്യമന്ത്രി പറഞ്ഞു.

രാജ്യത്തെ സമാധാനവും ജനാധിപത്യ സംവിധാനവും തകരാറിലാക്കാനാണ് ഇവരുടെ നീക്കം. പോപ്പുലര്‍ ഫ്രണ്ടിന്റെയും എസ്ഡിപിഐയുടെയും ഓഫീസുകളില്‍ നടത്തിയ റെയ്ഡില്‍ ഇതു വ്യക്തമാകുന്ന ചില രേഖകള്‍ പോലീസിനു ലഭിച്ചിട്ടുണ്ട്. ഇതിലെ ചില ആഹ്വാനങ്ങള്‍ മുഖ്യമന്ത്രി നിയമസഭയില്‍ വായിക്കുകയും ചെയ്തു. കെ ബാബുവിന്റെ സബ്മിഷന് മറുപടി നല്‍കുകയായിരുന്നു മുഖ്യമന്ത്രി.

രാജ്യത്തെ ജനാധിപത്യ സംവിധാനം തകര്‍ത്ത് കേരളത്തില്‍ മുസ്ലീം രാജ്യം സൃഷ്ടിക്കാനാണ് പോപ്പുലര്‍ ഫ്രണ്ട് ശ്രമിക്കുന്നതെന്ന് വിഎസ് ദില്ലിയില്‍ നടത്തിയ പരാമര്‍ശം ഏറെ വിവാദത്തിനിടയാക്കിയിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X