ചാറ്റര്ജിയുടേത് തൊടുന്യായം: സിപിഎം
പ്രകാശ് കാരാട്ടിന് എതിരെ ഉന്നയിച്ച ആരോപണങ്ങള് ഭരണപക്ഷത്തേക്ക് കൂറുമാറിയ ഒരാളുടെ തൊടുന്യായങ്ങള് മാത്രമാണെന്ന് പിബി വിശദീകരിക്കുന്നു. ജ്യോതി ബസു മരിച്ചശേഷം അദ്ദേഹത്തിന്റെ പേര് വലിച്ചിഴച്ചത് നിര്ഭാഗ്യകരമാണെന്നും പിബി വാര്ത്താക്കുറിപ്പില് വ്യക്തമാക്കി.
സോമനാഥ് ചാറ്റര്ജിക്ക് എതിരെ അച്ചടക്ക നടപടി സ്വീകരിച്ചത് അഞ്ച് അംഗങ്ങള് മാത്രം പങ്കെടുത്ത പി.ബി യോഗമാണെന്ന വാദം തെറ്റാണ്. പാര്ട്ടി തീരുമാനം അംഗീകരിച്ചില്ലെങ്കില് സോമനാഥിന് എതിരെ നടപടി എടുക്കാന് തീരുമാനിച്ചത് 2008 ജൂലായ് 19 നു ചേര്ന്ന പൂര്ണ്ണ പിബി യോഗമാണെന്നും വാര്ത്താക്കുറിപ്പിലുണ്ട്.
2008 ജൂലായ് ഒമ്പതിന് പാര്ട്ടിക്ക് നല്കിയ കത്തില് പാര്ട്ടി തീരുമാനം അനുസരിച്ച് സ്പീക്കര്സ്ഥാനം രാജിവയ്ക്കാന് തയ്യാറാണെന്ന് സോമനാഥ് ചാറ്റര്ജി അറിയിച്ചിരുന്നു. എന്നാല് പിന്നീട് അദ്ദേഹം ഉറപ്പില് നിന്ന് പിന്മാറിയെന്നും പിബി ആരോപിയ്ക്കുന്നു.