ജയിലില്‍ ഷായ്ക്ക് പ്രത്യേക പരിഗണന

അഹമ്മദാബാദ്‌: റിമാന്‍ഡില്‍ കഴിയുന്ന ഗുജറാത്ത് മുന്‍ ആഭ്യന്തര സഹമന്ത്രി അമിത് ഷായ്ക്ക് ജയിലില്‍ പ്രത്യേക പരിഗണനയെന്ന് റിപ്പോര്‍ട്ടുകള്‍. ഗുജറാത്തിന്റെ മുന്‍ ആഭ്യന്തര സഹമന്ത്രിയ്ക്ക് ഭക്ഷണം വീട്ടില്‍ നിന്നാണ് എത്തിച്ചു കൊടുക്കുന്നത്. കിടക്കാന്‍ വീട്ടില്‍ നിന്ന് മെത്തയും ജയില്‍ അധികൃതര്‍ എത്തിച്ചു കൊടുത്തിട്ടുണ്ട്.

സൊഹ്‌റാബുദ്ദീന്‍ ഷെയ്ക്ക് വധക്കേസിലെ മറ്റു പ്രതികളും ഈ ജയിലില്‍ത്തന്നെയാണ്. എന്നാല്‍ ഇവര്‍ക്കൊന്നും ഈ വിഐപി ട്രീറ്റ്മെന്റ് ഇല്ലെന്നാണ് അറിയുന്നത്.

അതേ സമയം ഷായും മറ്റുപ്രതികളും തമ്മില്‍ കാണാന്‍ ഇടനല്‍കരുതെന്ന് സിബിഐ നിര്‍ദേശിച്ചിട്ടുണ്ട്.
ഇതനുസരിച്ച് ഷായെ തിലക് ബ്ലോക്കിലെ ഏകാന്ത തടവിലും മറ്റു പ്രതികളെ ഗാന്ധി ബ്ലോക്കിലും പാര്‍പ്പിച്ചിരിയ്ക്കുകയാണ്.