കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്ത്യയില്‍ ബ്ലാക്‌ബെറി നിരോധിക്കില്ല

  • By Lakshmi
Google Oneindia Malayalam News

Blackberry
ദില്ലി: സുരക്ഷയുമായി ബന്ധപ്പെട്ട പ്രശ്‌നങ്ങളുടെ പേരില്‍ ബ്ലാക്‌ബെറി ഫോണ്‍ ഇന്ത്യയില്‍ നിരോധിക്കി്‌ലലെന്ന് കേന്ദ്രആഭ്യന്തര മന്ത്രാലയം വ്യക്തമാക്കി.

ഇന്ത്യയില്‍ രാജ്യസുരക്ഷാ മാനദണ്ഡങ്ങള്‍ പാലിക്കാമെന്ന് ബ്ലാക്‌ബെറിയുടെ നിര്‍മ്മാതാക്കളായ കനേഡിയന്‍ കമ്പനി റിസര്‍ച്ച് ഇന്‍ മോഷനില്‍(റിം)നിന്നും ഉറപ്പ് ലഭിച്ചുണ്ടെന്നും അതിനാല്‍ തുടര്‍നടപടികള്‍ വേണ്ടെന്ന് വയ്ക്കുകയാണെന്നുമാണ് കേന്ദ്രസര്‍ക്കാര്‍ വിശദീകരണം,

രാജ്യസുരക്ഷ സംബന്ധിച്ച കാര്യങ്ങളില്‍ ആശങ്ക ഒഴിവാക്കുന്നതിനുള്ള നടപടികള്‍ എന്തായാലും അത് ഉടന്‍ കൈക്കൊള്ളുമെന്ന കാര്യത്തില്‍ കമ്പനി ഉറപ്പു നല്‍കിയതായി ആഭ്യന്തര മന്ത്രാലയം സ്‌പെഷല്‍ സെക്രട്ടറി ഉത്തന്‍കുമാര്‍ ബന്‍സ്വാളാണ് മാധ്യമ പ്രവര്‍ത്തകരെ അറിയിച്ചത്.

പ്രമുഖ സ്മാര്‍ട്ട്‌ഫോണായ ബ്ലാക്ക്‌ബെറിയുടെ നിര്‍മാതാക്കള്‍ക്ക് കേന്ദ്ര സര്‍ക്കാര്‍ സുരക്ഷാ മാനദണ്ഡങ്ങള്‍ സംബന്ധിച്ച കാര്യത്തില്‍ കഴിഞ്ഞ ദിവസം ശക്തമായ മുന്നറിയിപ്പ് നല്‍കിയിരുന്നു.

സുരക്ഷാ ഏജന്‍സികള്‍ക്കും രഹസ്യാന്വേഷണ ഏജന്‍സികള്‍ക്കും നിരീക്ഷിക്കാന്‍ പര്യാപ്തമായ രീതിയില്‍ ഇ-മെയില്‍ ഉള്‍പ്പെടെ ഡാറ്റാ സര്‍വീസുകളുടെ ഫോര്‍മാറ്റ് വേണമെന്ന നിബന്്ധന പാലിക്കാന്‍ കമ്പനിയോടാവശ്യപ്പെടണമെന്നും കേന്ദ്ര ആഭ്യന്തര മന്ത്രാലയം ടെലികോം വകുപ്പിനു നിര്‍ദേശം നല്‍കിയിരുന്നു.

അമേരിക്ക ഉള്‍പ്പെടെയുള്ള രാജ്യങ്ങളില്‍ സുരക്ഷാ മാനദണ്ഡങ്ങള്‍ പാലിക്കുന്ന റിം ഇന്ത്യയില്‍ അതിനു തയാറാകാത്തതിനു ഒരു ന്യായീകരണമില്ലെന്നും ഇത്തരം സുരക്ഷാ മാനദണ്ഡങ്ങള്‍ പാലിക്കാന്‍ തയാറല്ലെങ്കില്‍ രാജ്യത്തെ ഷോറൂമുകള്‍ അടച്ചുപൂട്ടിക്കുമെന്നുമായിരുന്നു കേന്ദ്രസര്‍ക്കാരിന്റെ മുന്നറിയിപ്പ്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X