ലാവലിന്‍ കേസ്: വീണ്ടും പരിഗണനയ്ക്ക്

കൊച്ചി: പിണറായി വിജയന്‍ പ്രതിയായ ലാവലിന്‍ കേസ് ശനിയാഴ്ച വീണ്ടും കോടതിയുടെ പരിഗണനക്ക്. സിബിഐ പ്രത്യേക കോടതി മുമ്പാകെയാണ് കേസ് പരിഗണനക്ക് എത്തുന്നത്. കോടതി നിര്‍ദേശപ്രകാരം മുന്‍മന്ത്രി ജി കാര്‍ത്തികേയനെതിരെ നടത്തുന്ന അന്വേഷണം പൂര്‍ത്തിയായിട്ടില്ലെന്ന സിബിഐ ഉദ്യോഗസ്ഥര്‍ കോടതിയെ അറിയിക്കും.

കാര്‍ത്തികേയന് പുറമെ മുന്‍ വൈദ്യുതി ബോര്‍ഡ് അംഗം ആര്‍ ഗോപാലകൃഷ്ണനെതിരെയും അന്വേഷണത്തിന് ഉത്തരവിട്ടുണ്ട്. ലാവലിന്‍ കമ്പനിയുടെ ഓഫിസുകള്‍ രാജ്യത്തെ എവിടെയെങ്കിലും തുറന്നു പ്രവര്‍ത്തിക്കുന്നുണ്ടോ എന്ന കാര്യവും സിബിഐ അറിയിച്ചേക്കും.

കേസിലെ സാക്ഷികളെ വീണ്ടും ചോദ്യം ചെയ്യാനും രേഖകള്‍ പരിശോധിക്കാനും സി ബി ഐക്ക് കൂടുതല്‍ സമയം ആവശ്യപ്പെട്ടേക്കും.