കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബ്ലാക്‌ബെറി: നിര്‍ദ്ദേശം പാലിക്കാനാവില്ലെന്ന് റിം

  • By Super
Google Oneindia Malayalam News

ദില്ലി: കേന്ദ്രആഭ്യന്തരമന്ത്രാലയം ആവശ്യപ്പെട്ട വിധത്തില്‍ ബ്ലാക്‌ബെറി ഫോണിന്റെ സെര്‍വര്‍ സംവിധാനത്തില്‍ മാറ്റം വരുത്താന്‍ കഴിയില്ലെന്ന് ഫോണിന്റെ നിര്‍മ്മാതാക്കളായ റിസര്‍ച്ച് ഇന്‍ മോഷന്‍(റിം)
അറിയിച്ചു.

സുരക്ഷാ കാരണങ്ങള്‍ ചൂണ്ടിക്കാട്ടിക്കൊണ്ടായിരുന്നു കേന്ദ്രസര്‍ക്കാര്‍ റിമ്മിനോട് ഇക്കാര്യം ആവശ്യപ്പെട്ടത്, അല്ലാത്ത പക്ഷം ഫോണിന്റെ സേവനം റദ്ദാക്കുമെന്നും സര്‍ക്കാര്‍ മുന്നറിയിപ്പ് നല്‍കിയിരുന്നു.

സേവനങ്ങള്‍ പരിശോധിക്കാന്‍ സംവിധാനമൊരുക്കണമെന്ന കേന്ദ്രസര്‍ക്കാര്‍ നിര്‍ദേശം പ്രായോഗികമല്ലെന്നാണ് റിം പറയുന്നത്. ബ്ലാക്ക്‌ബെറി സേവന ഭാഷ പ്രത്യേക കോഡുള്ളതാണെന്നും ഇതു കമ്പനിയുള്‍പ്പെടെ ഒരാള്‍ക്കും ലഭ്യമാവാത്തതാണെന്നും റിം വ്യക്തമാക്കി.

ബ്ലാക്ക്‌ബെറി സേവനങ്ങളുടെ ഭാഷ 'റിമ്മി'നോ മൂന്നാമതൊരാള്‍ക്കോ ഒരു സാഹചര്യത്തിലും ലഭ്യമാവാത്ത രീതിയിലാണ് രൂപകല്പന ചെയ്തതെന്ന് കമ്പനി പറഞ്ഞു.

ദേശ സുരക്ഷയ്ക്കും നിയമവാഴ്ചയ്ക്കും സര്‍ക്കാറിന് പല സംവിധാനങ്ങളുമുണ്ട്. വാണിജ്യമേഖലയിലെ സുരക്ഷാകാര്യങ്ങളില്‍ വിട്ടുവീഴ്ച ചെയ്യാതെ തന്നെ രാജ്യസുരക്ഷയ്ക്ക് സര്‍ക്കാറുകള്‍ക്ക് കഴിയുമെന്ന് 'റിം' പ്രസ്താവനയില്‍ പറഞ്ഞു. ഇതിനാല്‍, സര്‍ക്കാര്‍ ആവശ്യപ്പെട്ട സാങ്കേതികവിദ്യ അനുവദിക്കാനാവില്ലെന്ന് 'റിം' വ്യക്തമാക്കി.

്‌യുഎഇയും സൗദി അറേബ്യയും സമാനമായ മുന്നറിയിപ്പ് കമ്പനിയ്ക്ക് നല്‍കിയിട്ടുണ്ട്. സൗദിയില്‍ ഓഗസ്റ്റ് 6 വെള്ളിയാഴ്ച മുതല്‍ ഫോണിന് നിരോധനം പ്രാബല്യത്തില്‍ വരും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X