മദനിയുടെ അറസ്റ്റ് വൈകിയേയ്ക്കും
കര്ണാടക ഹൈക്കോടതി മുന്കൂര് ജാമ്യാപേക്ഷ നിരസിച്ചതിനെത്തുടര്ന്ന് മദനിയുടെ അറസ്റ്റ് ഉടനുണ്ടാകുമെന്ന് സൂചനയുണ്ടായിരുന്നു. എന്നാല് നടപടിയുമായി മെല്ലെപ്പോകാനാണ് പ്രത്യേക അന്വേഷണ സംഘത്തിന്റെ തീരുമാനം.
മുന്കൂര് ജാമ്യാപേക്ഷ തള്ളിക്കൊണ്ടുള്ള കര്ണാടക ഹൈക്കോടതി വിധിയുടെ പകര്പ്പ് ശനിയാഴ്ചയോടെ മാത്രമേ ബാംഗ്ലൂര് പോലീസിന് ലഭ്യമാവുകയുള്ളൂ.
അഡീഷണല് ചീഫ് മെട്രോപൊളിറ്റന് മജിസ്ട്രേട്ട് കോടതി പുറപ്പെടുവിച്ചിരിക്കുന്ന ജാമ്യമില്ലാ അറസ്റ്റ് വാറന്റ് നടപ്പാക്കാന് ഇപ്പോഴും നിയമപരമായ തടസ്സമൊന്നുമില്ലെങ്കിലും മദനി സുപ്രീംകോടതിയെ സമീപിക്കുമെന്ന് പ്രഖ്യാപിച്ചിരിക്കുന്ന സാഹചര്യത്തില് അതിന്റെ ഫലംകൂടി വരട്ടെയെന്ന നിലപാടിലാണ് അന്വേഷണസംഘം.
ഹൈക്കോടതി ഉത്തരവിലെ വിശദാംശങ്ങള് പഠിച്ചശേഷമേ തുടര്നടപടികള് തീരുമാനിക്കൂവെന്ന് ബാംഗ്ലൂര് സിറ്റി പോലീസ് ജോയന്റ് കമ്മീഷണര് അലോക്കുമാര് പറഞ്ഞതായി പ്രമുഖ മാധ്യമം റിപ്പോര്ട്ട് ചെയ്യുന്നു.
Click it and Unblock the Notifications
Sign in with Google