ദില്ലിയില് വിദേശികള്ക്കായി പൊലീസ് സ്റ്റേഷന്
ദില്ലി: ദില്ലി നഗരത്തില് വിദേശ സഞ്ചാരികള്ക്കായി പ്രത്യേക പൊലീസ് സ്റ്റേഷന് തുടങ്ങുന്നു.
കോമണ് വെല്ത്ത് ഗെയിംസുമായി ബന്ധപ്പെട്ട് ഒട്ടേറെ വിദേശികള് നഗരത്തിലെത്തും, ഈ സാഹചര്യത്തില് ഇവര്ക്ക് സഹായകമാവുകയെന്ന ഉദ്ദേശത്തോടെയാണ് പ്രത്യേക പൊലീസ് സ്റ്റേഷന് സ്ഥാപിക്കുന്നത്.
നല്ല ഇംഗ്ലൂഷ് പരിജ്ഞാനമുള്ള, ഇംഗ്ലീഷ് സംസാരിക്കാന് കഴിയുന്ന പൊലീസുകാരെയായിരിക്കും ഇവിടെ നിയമിക്കുക. ഓഗസ്റ്റ് അവസാനവാരത്തോടെ സ്റ്റേഷന് പ്രവര്ത്തനം തുടങ്ങും. 150 പൊലീസുകാരാണ് ഈ സ്റ്റേഷനില് ഡ്യൂട്ടിയ്ക്കുണ്ടാവുക.
സെന്ട്രല് ദില്ലിയിലെ പഹര്ഗഞ്ജിലായിരിക്കും സ്റ്റേഷന് സ്ഥാപിക്കുക. ഈ ഭാഗത്താണ് ദില്ലിയിലെത്തുന്ന ഭൂരിഭാഗം വിദേശികളും തങ്ങാറുള്ളത്.
901 ഗസ്റ്റ് ഹൗസുകളും ഹോട്ടലുകളുമാണ് ഈ പ്രദേശത്ത് മാത്രമുള്ളത്. ഗെയിംസുമായി ബന്ധപ്പെട്ട് ദില്ലിയിലെത്തുന്ന വിദേശ സഞ്ചാരികളുടെ സുരക്ഷയ്ക്ക് പ്രാധാന്യം നല്കുകയാണ് സ്റ്റേഷന്റെ പ്രധാന ചുമതലയെന്ന് ദില്ലി പൊലീസ് വക്താവ് പറഞ്ഞു.
Click it and Unblock the Notifications
Sign in with Google