കൊച്ചി മെട്രോ: ദില്ലിയില്‍ എംപിമാരുടെ ധര്‍ണ

ദില്ലി: കൊച്ചി മെട്രോ റെയില്‍ പദ്ധതിക്ക് അടിയന്തരമായി കേന്ദ്രം അനുമതി നല്‍കണമെന്നാവശ്യപ്പെട്ട് കേരളത്തില്‍ നിന്നുള്ള ഇടതുപക്ഷ എംപിമാര്‍ പാര്‍ലമെന്റ് കവാടത്തില്‍ ധര്‍ണ നടത്തി.

കൊച്ചി മെട്രോ പദ്ധതി കേന്ദ്രസംസ്ഥാന പങ്കാളിത്തത്തോടെ നടപ്പാക്കണമെന്നാണ് എംപിമാരുടെ ആവശ്യം.

പദ്ധതിക്ക് അനുമതി നല്‍കുന്നതില്‍ നിഷേധാത്മക സമീപനം സ്വീകരിക്കുന്ന ആസൂത്രണ കമ്മീഷനും ധനമന്ത്രാലയവും നിലപാട് മാറ്റണമെന്ന് എംപിമാര്‍ ആവശ്യപ്പെട്ടു. സപിഎം നേതാക്കളായ ബസുദേവ് ആചാര്യ, സീതാറാം യെച്ചൂരി എന്നിവര്‍ സംസാരിച്ചു.