രൂപയുടെ ചിഹ്നവുമായി ലാവ മൊബൈല്‍

ദില്ലി: ഇന്ത്യന്‍ കറന്‍സിയായ രൂപയുടെ ചിഹ്നം മൊബൈല്‍ഫോണ്‍ കീപാഡിലുമെത്തി. രൂപയുടെ ചിഹ്നം ചേര്‍ത്ത കംപ്യൂട്ടര്‍ കീബോര്‍ഡ് വിപണിയിലെത്തിയതിന് പിന്നാലെയാണ് ഫോണ്‍ കീപാഡിലും രൂപയുടെ ചിഹ്നം വരുന്നത്.

ലാവ ഇന്റര്‍നാഷണലാണ് തങ്ങളുടെ ബി 5 മോഡലില്‍ രൂപ ചിഹ്നം ചേര്‍ത്തത്. ഇമെയിലോ എസ്എംഎസോ ലാവ ഫോണില്‍ നിന്നയയ്ക്കുമ്പോള്‍ ഇനി രൂപ ചിഹ്നം ഉപയോഗിയ്ക്കാം.

64-ാം സ്വാതന്ത്ര്യദിനത്തോടനുബന്ധിച്ചു ലാവയും തങ്ങളുടെ പുതിയ നേട്ടം രാഷ്ട്രത്തിനായി സമര്‍പ്പിച്ചിരിക്കുകയാണ്.

ഇന്ത്യയിലും ചൈനയിലും പുതിയ ഗവേഷണ ലാബുകള്‍ സ്ഥാപിക്കാന്‍ 110 കോടിയാണു ലാവ നീക്കിവച്ചിരിക്കുന്നത്. ആല്‍ഫാ കീബോര്‍ഡുള്ളതാണ് ബി 5. 1400 മുതല്‍ 6000 രൂപവരെയാണു ലാവ ഫോണുകളുടെ വില.