ട്രക്ക് റേസിനിടെ അപകടം: 8 മരണം

കാലിഫോര്‍ണിയ: അമേരിക്കയില്‍ മണ്‍പാതയിലൂടെയുള്ള വാഹനങ്ങളുടെ മത്സരത്തിനിടെ ട്രക്ക് ആള്‍ക്കൂട്ടത്തിലേക്ക് പാഞ്ഞുകയറി എട്ടുപേര്‍ മരിച്ചു. 12 പേര്‍ക്ക് പരിക്കേറ്റു. ലോസ് ആഞ്ചലസില്‍നിന്ന് 100 മൈല്‍ അകലെയുള്ള ലൂസേ വാലിയില്‍ കഴിഞ്ഞ രാത്രിയാണ് സംഭവം. കാലിഫോര്‍ണിയ 200 എന്ന് അറിയപ്പെടുന്ന മത്സരമാണ് ദുരന്തത്തിലെത്തിയത്.

കാലിഫോര്‍ണിയയിലാണ് സംഭവം. അപകടത്തില്‍പെട്ട ട്രക്കിന്റെ ഡ്രൈവര്‍ ബ്രൈറ്റ് സ്ലോപ്പി നിസാര പരുക്കുകളോടെ രക്ഷപ്പെട്ടു. സംഭവസ്ഥലത്തുവെച്ചു തന്നെ ആറ് പേര്‍ മരിച്ചുവെന്ന് അധികൃതര്‍ പറഞ്ഞു. ഫെഡറല്‍ ബ്യൂറോ ഓഫ് ലാന്‍ഡ് മാനേജ്‌മെന്റിന്റെ അനുമതിയോടെയാണ് മല്‍സരം നടന്നത്.

വാഹനത്തിന്റെ ഡ്രൈവര്‍ക്കെതിരെ കേസ് എടുത്തിട്ടില്ല. മല്‍സരം തുടങ്ങി നിമിഷങ്ങള്‍ക്കകമാണ് അപകടം നടന്നത്. മത്സരം കാണാന്‍ ആയിരക്കണക്കിന് ആളുകള്‍ തടിച്ചുകൂടിയിരുന്നു. അപകടത്തെ തുടര്‍ന്ന് മത്സരം റദ്ദ് ചെയ്തു.