ടിന്റുമോന്‍ ആരുടെ മോന്‍? തര്‍ക്കം മുറുകുന്നു

കോഴിക്കോട്: മലയാളിയുടെ കുസൃതിക്കുടുക്കയായ ടിന്റുമോന്റെ പിതൃത്വത്തെ ചൊല്ലിയുള്ള തര്‍ക്കം മുറുകുന്നു. ടിന്റുമോന്റെ പിതൃത്വം അവകാശപ്പെട്ടു മറ്റാരെങ്കിലും കോടതിയെ സമീപിക്കുകയാണെങ്കില്‍ തങ്ങളുടെ വാദവും കൂടി കേട്ടതിനുശേഷമേ വിധി പറയാവൂ എന്ന് ആവശ്യപ്പെടുന്ന കേവിയേറ്റ് ഹര്‍ജി ബിഎംജി ഗ്രൂപ്പ് തിങ്കളാഴ്ച എറണാകുളം ജില്ലാ കോടതിയില്‍ സമര്‍പ്പിച്ചു

ടിന്റുമോന്റെ തങ്ങളുടേതാണെന്ന് അവകാശപ്പെട്ട ഉന്നയിച്ച് ഇരിങ്ങാലക്കുട ആസ്ഥാനമായി പ്രവര്‍ത്തിക്കുന്ന എംഡി ഓഡിയോസ് ആന്‍ഡ് വീഡിയോസ് എന്ന കമ്പനി കഴിഞ്ഞദിവസം പത്ര പരസ്യം നല്‍കിയിരുന്നു. ഈ സാഹചര്യത്തിലാണ് ബിഎംജി ഗ്രൂപ്പ് ഹര്‍ജി നല്‍കിയിരിക്കുന്നത്. ചൊവ്വാഴ്ച കോഴിക്കോട് ജില്ലാ കോടതിയിലും ഹര്‍ജി ഫയല്‍ ചെയ്യുമെന്ന് റിപ്പോര്‍ട്ടുകളുണ്ട്.

എന്നാല്‍ ടിന്റുമോന്റെ ഉടമസ്ഥവകാശം ഒരു കമ്പനിയ്ക്ക നല്‍കാനാവില്ലെന്നും പകര്‍പ്പവകാശം ഉന്നയിച്ചവര്‍ക്കെതിരെ നിയമയുദ്ധത്തിനിറങ്ങുമെന്ന് ടിന്റുമോന്‍.കോം വെബ്‌സൈറ്റും വ്യക്തമാക്കിയതോടെ ഇതുസംബന്ധിച്ചുള്ള നിയമയുദ്ധം നീളുമെന്ന സൂചനകളാണ് ലഭിയ്ക്കുന്നത്. .

അതേ സമയം ടിന്റുമോനെ സ്വന്തമാക്കാനുള്ള ശ്രമങ്ങള്‍ക്കെതിരെ ഓണ്‍ലൈന്‍ ലോകത്ത് ശക്തമായ പ്രതിഷേധമാണ് ഉയരുന്നത്.