ആത്മഹത്യ ചെയ്യാന് അനുവദിയ്ക്കൂ: കര്ഷകര്
ജരദ്, ജാര്ഖണ്ഡ്: കൂട്ട ആത്മഹത്യ ചെയ്യാന് അനുവദിയ്ക്കണമെന്നാവശ്യപ്പെട്ട് ജാര്ഖണ്ഡിലെ കര്ഷകര് പ്രസിഡന്റിന്റും ഗവര്ണര്ക്കും കത്തയച്ചു. തങ്ങളുടെ സാഹചര്യങ്ങള് മെച്ചപ്പെട്ടില്ലെങ്കില് കൂട്ടത്തോടെ ജീവനൊടുക്കന് അനുമതി നല്കണമെന്നാവശ്യപ്പെട്ട് കത്തയച്ചതായി കര്ഷകനായ ചന്ദേശ്വരി സിങ് പറയുന്നു.
പ്രശസ്തിയ്ക്കുള്ള കുറുക്കുവഴിയായി ആരെങ്കിലും ഇതിനെകണ്ടാല് അവര്ക്ക് തെറ്റി. വരള്ച്ച ഉള്പ്പെടെയുള്ള പ്രശ്നങ്ങള് മേഖലയിലെ കര്ഷകരെ ആത്മഹത്യയുടെ വക്കിലെത്തിച്ചുവെന്നതാണ് യാഥാര്ത്ഥ്യം.
തുടര്ച്ചയായി രണ്ടാം വര്ഷമാണ് സംസ്ഥാനം വരള്ച്ചയുടെ പിടിയിലമരുന്നത്. രണ്ടു കൊല്ലമായി ഒരു മണി ധാന്യം കൊയ്തെടുക്കാന് ഇവര്ക്കായിട്ടില്ല. എന്നാല് ഇതില് നിന്നും രക്ഷപ്പെടാന് സര്ക്കാര് യാതൊരു നടപടിയും സ്വീകരിച്ചിട്ടില്ലെന്ന് കര്ഷകര് പറയുന്നു.
തങ്ങളുടെ പക്കല് നയാപൈസയില്ല. കുട്ടികളെ പഠിപ്പിക്കാന് യാതൊരു വഴിയുമില്ല. എങ്ങനെ ജീവിതം മുന്നോട്ടു കൊണ്ടുപോകുന്ന അവസ്ഥയിലാണിപ്പോഴെന്നും മറ്റൊരു കര്ഷകനായ ബിര്സ കര്മാലി പറഞ്ഞു.
ഈ വര്ഷം ജാര്ഖണ്ഡില് 42% മഴയുടെ കുറവാണു രേഖപ്പെടുത്തിയത്. ഇതോടെ മിക്ക ജില്ലകളും വരള്ച്ച ബാധിത പ്രദേശങ്ങളായി പ്രഖ്യാപിച്ചു. സമയബന്ധിതമായി കര്ഷകരെ സഹായിക്കാനുള്ള നടപടികള് സ്വീകരിക്കുമെന്ന് ഉറപ്പു നല്കുന്നതായി ജാര്ഖണ്ഡ് ഗവര്ണര് എംഒ. എച്ച് ഫറൂഖ് പറയുന്നു. എന്നാല് ഈ ഉറപ്പുകളൊന്നു ഇവിടത്തെ കര്ഷകര്ക്ക് ആശ്വാസമാവുന്നില്ല.