ലോട്ടറി പരസ്യങ്ങളില്‍ നിന്നും ജഗതി പിന്‍മാറി

തിരുവനന്തപുരം: സിക്കിം, ഭൂട്ടാന്‍ ലോട്ടറികളുടെ പരസ്യത്തില്‍ നിന്ന് പിന്മാറുകയാണെന്ന് നടന്‍ ജഗതി ശ്രീകുമാര്‍ വ്യക്തമാക്കി.

സമൂഹത്തോട് ഉത്തരവാദിത്വമുള്ളതുകൊണ്ടാണ് ഇനി ഈ ലോട്ടറികളുടെ പരസ്യത്തില്‍ അഭിനയിക്കേണ്ട എന്ന് തീരുമാനിച്ചതെന്നും അദ്ദേഹം പറഞ്ഞു.

സിക്കിം, ഭൂട്ടാന്‍ ലോട്ടറികളുമായി ബന്ധപ്പെട്ട് ഉയര്‍ന്ന വിവാദങ്ങള്‍ കേട്ടപ്പോള്‍ ഇങ്ങനെയൊരു പരസ്യത്തില്‍ അഭിനയിച്ചുപോയല്ലോ എന്ന് ദു:ഖം തോന്നി. പ്രത്യേകിച്ചും ഒരു സിനിമാ നടന്‍ എന്ന നിലയില്‍.

കലാകാരന്മാര്‍ പോലും ഇത്തരം തട്ടിപ്പ് നടത്തുന്ന ലോട്ടറി കമ്പനികളുടെ പരസ്യത്തില്‍ അഭിനയിക്കുന്നുവെന്ന മുഖ്യമന്ത്രി വി.എസ് അച്യുതാനന്ദന്റെ പരമാര്‍ശവും ശ്രദ്ധയില്‍ പെട്ടു. ഏതായാലും ഒരു പരസ്യകമ്പനിയുമായി പോലും ആയുഷ്‌കാലം ധാരണയോ കരാറോ എനിക്കില്ല- ജഗതി വ്യക്തമാക്കി.