അഞ്ചുവര്ഷത്തിനുള്ളില് സെന്സെക്സ് 30000 ല്
ദില്ലി: മുംബൈ സെന്സെക്സ് അടുത്ത 3-5 വര്ഷത്തിനുള്ളില് 30,000 കടക്കുമെന്ന് മധുസൂദന് കേല. റിലയന്സ് മ്യൂച്ചല് ഫണ്ടിലെ പ്രധാന ഫണ്ട് മാനേജറാണ് മധു കേല. ഇന്ത്യയിലെ ഏറ്റവും മികച്ച ഫണ്ട് മാനേജരായിട്ടാണ് കേലയെ സാമ്പത്തിക വിദഗ്ദര് കാണുന്നത്.
അടുത്ത മൂന്ന് മാസത്തേയ്ക്ക് വിപണിയില് കാര്യമായ ചാഞ്ചാട്ടം ഉണ്ടാകാം. പക്ഷേ ദീര്ഘ കാലയളവ് കണക്കിലെടുത്താല് വിപണി മേലോട്ട് തന്നെയായിരിയ്ക്കും. റിലയന്സ് ക്യാപ്പിറ്റലിന്റെ ചീഫ് ഇന്വസ്റ്റ്മെന്റ് സ്ട്രാറ്റജിസ്റ്റ് ആയി മധു കേല സെപ്തംബര് 21 ന് സ്ഥാനമേല്ക്കും. ഇപ്പോള് റിലയന്സ് മ്യൂച്ചല് ഫണ്ടിലെ ഹെഡ് ഓഫ് ഇക്വിറ്റീസ് ആണ് ഇദ്ദേഹം.
വിദേശ ഫണ്ടുകള് ഇനിയും ഇന്ത്യയില് നിക്ഷേപിയ്ക്കുന്നത് കൂടും. 3-5 വര്ഷം കൊണ്ട് സെന്സെക്സ് 30,000 എത്തുകയാണെങ്കില് അത് ഏകദേശം 100 ശതമാനം വര്ധന ആയിരിയ്ക്കും. ഇപ്പോള് സെന്സെക്സ് 18,000 ത്തിലാണ്.
ഓഗസ്റ്റ് 27 വെള്ളിയാഴ്ചത്തെ വിപണി വിവരം - സെന്സെക്സ് 17998.41 (-227.94)-നിഫ്ടി 5408.70 (-69.20)
എന്നാല് അടുത്ത മൂന്ന് മാസത്തില് ഓഹരി വിപണി പത്ത് ശതമാനം വരെ താഴുമെന്നും കേല പറയുന്നു. ഇതിന് കാരണം വിദേശ ഫണ്ടുകള് ഓഹരി വില്ക്കുന്നതായിരിയ്ക്കും. ഇപ്പോഴും തദ്ദേശ നിക്ഷേപകര് വിപണിയില് എത്തിയിട്ടില്ല. ഓഗസ്റ്റ് മാസത്തില് മാത്രം വിദേശ ഫണ്ടുകള് 11,447.60 കോടി രൂപയാണ് ഇന്ത്യന് വിപണിയില് ഇറക്കിയത്.