ഗൗരിയമ്മ മടങ്ങില്ലെന്ന് ജെഎസ്എസ് പ്രസിഡന്റ്
ആലപ്പുഴ: ജെഎസ്എസ് നേതാവ് കെ ആര് ഗൗരിയമ്മ സിപിഐയിലേക്ക് മടങ്ങില്ലെന്ന് ജെഎസ്എസ് സംസ്ഥാന പ്രസിഡന്റ് എ.എന് രാജന് ബാബു വ്യക്തമാക്കി.
സിപിഐയിലേയ്ക്ക് മടങ്ങാനുള്ള സാഹചര്യം ഇപ്പോള് ജെ എസ് എസില് ഇല്ലെന്നും കോണ്ഗ്രസുമായി ഇപ്പോള് പ്രശ്നങ്ങള് ഒന്നുമില്ലെന്നും രാജന് ബാബു പറഞ്ഞു.
സിപിഐ നേതാവ് വെളിയം ഭാര്ഗവന് ഗൗരിയമ്മയെ ക്ഷണിയ്ക്കുന്നുവെന്ന് പറഞ്ഞതിന് പിന്നാലെയാണ് ജെഎസ്എസിന്റെ പ്രസ്താവന. എന്നാല് ഗൗരിയമ്മ ഇതേവരെ വെളിയത്തിന്റെ ക്ഷണത്തോട് പ്രതികരിച്ചിട്ടില്ല.
കഴിഞ്ഞദിവസം കോണ്ഗ്രസിനെതിരെ വിമര്ശനങ്ങളുമായി ഗൗരിയമ്മ രംഗത്തു വന്നിരുന്നു. യുഡിഎഫിനെ ഒന്നിച്ചു നിറുത്താന് കോണ്ഗ്രസ് പരാജയപ്പെട്ടുവെന്നായിരുന്നു ഗൗരിയമ്മയുടെ ആദ്യ ആരോപണം.
തുടര്ന്ന് ഗൗരിയമ്മയ്ക്കെതിരെ ഉമ്മന് ചാണ്ടിയും ചെന്നിത്തലയും രംഗത്തു വന്നു. എന്നാല്, തൊട്ടടുത്ത ദിവസം കോണ്ഗ്രസ് ചെയ്യുന്നത് ഐക്യമുണ്ടാക്കലല്ലെന്നും കാലു വാരുകയാണെന്നും ഗൗരിയമ്മ ആരോപിച്ചിരുന്നു.
അര്ഹമായ സീറ്റ് ലഭിച്ചില്ലെങ്കില് വര്ഗീയ കക്ഷികളൊഴികെയുള്ള ആരുമായും കൂട്ടുചേരുമെന്നും വ്യക്തമാക്കിയിരുന്നു. ഇതിനെ തുടര്ന്ന് ഗൗരിയമ്മ കോണ്ഗ്രസ് വിടാന് ഒരുങ്ങുകയാണെന്ന് വാര്ത്ത പരന്നിരുന്നു.