കാര്ട്ടൂണിസ്റ്റ് ആര്കെ ലക്ഷ്മണ് ആശുപത്രിയില്
പുനെ: കാര്ട്ടൂണിസ്റ്റ് ആര് കെ ലക്ഷ്മണെ ആശുപത്രിയില് പ്രവേശിപ്പിച്ചു. പൂനെയിലെ സഹ്യാദ്രി ആശുപത്രിയിലാണ് ഇപ്പോള് ആര് കെ ലക്ഷ്മണ്. മസ്തിഷ്ക ആഘാതത്തെ തുടര്ന്ന് 86 കാരനായ അദ്ദേഹത്തിന്റെ സംസാര ശേഷി കുറഞ്ഞിട്ടുണ്ട്. രണ്ട് തവണ ആഘാതമുണ്ടായതായി ഡോക്ടര്മാര് പറഞ്ഞു.
ജവഹര്ലാല് നെഹറുവിന്റെ കാലം മുതല് രാഷ്ട്രീയ കാര്ട്ടൂണുകള് വരച്ചിരുന്ന ലക്ഷ്മണ് എന്നും വിമര്ശനത്തില് മന് പന്തിയിലായിരുന്നു. അടിയന്തരാവസ്ഥ കാലത്ത് ഇന്ദിരാ ഗാന്ധിയെ വിമര്ശിയ്ക്കാന് പോലും ലക്ഷ്മണ് ഭയം കാണിച്ചില്ല. ടൈംസ് ഓഫ് ഇന്ത്യയിലെ 'ദ് കോമണ് മാന്' എന്ന പോക്കറ്റ് കാര്ട്ടൂണിലായിരുന്നു ലക്ഷ്മണ് രാഷ്ട്രീയമായും സാമൂഹികമായും പ്രതികരിച്ചിരുന്നത്.
മഗ്സസെ അവാര്ഡിന് അര്ഹനായ ഇദ്ദേഹത്തിന് ആറ് വര്ഷത്തിന് മുമ്പും ആഘാതം ഉണ്ടായിട്ടണ്ട്. തുടര്ന്ന് ഇടതുവശം സ്തംഭിച്ച അവസ്ഥയിലായിരുന്നു.
നോവലിസ്റ്റും കഥാകാരനുമായ ആര്. കെ. നാരായണ് ഇദ്ദേഹത്തിന്റെ ജ്യേഷ്ടനാണ്.