തീരുമാനം വേദനാജനകം: ടിജെ ജോസഫ്

കൊച്ചി: തന്നെ സര്‍വീസില്‍ നിന്നു പുറത്താക്കിയ മാനേജ് മെന്റിന്റെ നടപടി അപ്രതീക്ഷിതമെന്നു ചോദ്യ പേപ്പര്‍ വിവാദത്തിന്റെ പേരില്‍ ആക്രമിക്കപ്പെട്ട പ്രൊഫസര്‍ ടിജെ ജോസഫ്.

വേദനാജനകമാണു മാനേജ്‌മെന്റിന്റെ തീരുമാനം. നിയമ നടപടി സ്വീകരിക്കുന്നതിനെ കുറിച്ച് ആലോചിച്ചിട്ടില്ല. ഞാന്‍ ഇപ്പോള്‍ അങ്ങനെയൊരു മാനസികാവസ്ഥയിലല്ല.

മാനേജ്‌മെന്റിന്റെ ഭാഗത്തുനിന്ന് ഇങ്ങനെയൊരു പുറത്താക്കല്‍ നടപടി പ്രതീക്ഷിച്ചിരുന്നില്ല. ഇതൊരു കടുത്ത ശിക്ഷകൂടിയാണ്- ജോസഫ് പറഞ്ഞു.

ചോദ്യപേപ്പര്‍ തയ്യാറാക്കിയതില്‍ ജോസഫ് ഗുരുതരമായ വീഴ്ച വരുത്തിയെന്ന വിലയിരുത്തലിന്റെ അടിസ്ഥാനത്തിലാണ് തൊടുപുഴ ന്യൂമാന്‍ കോളെജ് മാനേജ്‌മെന്റ് ജോസഫിനെ ജോലിയില്‍ നിന്നും പുറത്താക്കിയത്.