ബ്രിട്ടനിലെ ഹരേകൃഷ്ണ ക്ഷേത്രത്തില്‍ അഗ്നിബാധ

ലണ്ടന്‍: ഇംഗ്ലണ്ടിലെ ലെയ്‌സെസ്റ്റര്‍ഷയറില്‍ ഹരേകൃഷ്ണ പ്രസ്ഥാനക്കാരുടെ ക്ഷേത്രത്തില്‍ തീപിടിത്തവും പൊട്ടിത്തെറിയും. ക്ഷേത്രത്തിനകത്തെ പാചകവാതക സിലിണ്ടര്‍ പൊട്ടിത്തെറിച്ചാണ് അപകടമുണ്ടായത്.

ഒട്ടേറെ വിശ്വാസികള്‍ ക്ഷേത്രത്തിനകത്ത് കുടുങ്ങിയെങ്കിലും എല്ലാവരെയും പരിക്കൊന്നും കൂടാതെ രക്ഷപ്പെടുത്തിയതായി അധികൃതര്‍ അറിയിച്ചു.

വന്‍ സജ്ജീകരണങ്ങളോടെ അധികൃതര്‍ രക്ഷാപ്രവര്‍ത്തനങ്ങള്‍ നടത്തിയത്. അഗ്നിബാധയില്‍ ക്ഷേത്രം ഭാഗികമായി കത്തിനശിച്ചു. അപകടസമയത്ത് ഏകദേശം മുപ്പതോളം ഭക്തര്‍ ക്ഷേത്രത്തിനുള്ളില്‍ ഉണ്ടായിരുന്നു.