നൂറ് കഴിഞ്ഞൊരു കന്യക

ലണ്ടന്‍: എഡിന്‍ബര്‍ഗിലെ ഒരു മുത്തശ്ശിയുടെ ആരോഗ്യ രഹസ്യം കേട്ടില്ലേ, ഇത്രയും കാലം കണ്ണിലെ കൃഷ്ണമണി പോലെ കാത്തുസൂക്ഷിച്ച കന്യകാത്വമാണ് അവരുടെ ആരോഗ്യ രഹസ്യമത്രേ. എണ്‍പതും തൊണ്ണൂറൊന്നുമല്ല, നൂറ്റിയാറു വയസ്സാണ് ഈ കന്യക മുത്തശ്ശിയുടെ പ്രായം.

കഴിഞ്ഞ ശനിയാഴ്ച 106 വയസ്സുകഴിഞ്ഞ ഇസ ബ്ലിത് പറയുന്നത് താനിതുവരെ അന്യപുരുഷന്റെ ചുംബനംപോലും ഏറ്റിട്ടില്ലെന്ന് പറയുന്നു.

ഈ പ്രായത്തിലും ഒറ്റക്കു താമസിക്കുന്ന ഇസ ഇപ്പോഴും ആരോഗ്യവതിയാണ്. പ്രണയത്തിനോ ഒരു പുരുഷനു വേണ്ടിയോ സമയം ചിലവഴിക്കണമെന്ന് ഇതുവരെ തോന്നിയിട്ടില്ലെന്ന് ഇസ പറയുന്നു.

1904 ലാണ് ഇസ ജനിച്ചത്. 35 വര്‍ഷം ഒരു വിസ്‌ക്കി നിര്‍മ്മാതാവിന്റെ െ്രെപവറ്റ് സെക്രട്ടറിയായി ജോലി ചെയ്തിരുന്നു. പള്ളിയില്‍ പോകുകയും ക്വയര്‍ പാടുകയും ഗോള്‍ഫുകളിയും പൂന്തോട്ട നിര്‍മാണവുമൊക്കെയാണ് ഇസയുടെ ഇപ്പോഴത്തെ പ്രധാന ജീവിതചര്യകള്‍.

ഇസ കഠിനാദ്ധ്വാനം ചെയ്യുന്ന പ്രകൃതക്കാരിയാണെന്നും അതിനാല്‍ എപ്പോഴും തിരക്കിലാണെന്നും മുത്തശ്ശിയുടെ സഹോദരപുത്രി ഷീന കാമ്പല്‍ പറയുന്നു. മൂത്തമകളായ അവര്‍ക്ക് തന്റെ ആറുസഹോദരന്‍മാരെയും ഒരു സഹോദരിയെയും നോക്കേണ്ട ചുമതലകൂടിയുണ്ടായിരുന്നു. അവര്‍ക്ക് സങ്കടപ്പെടാന്‍ സമയമുണ്ടായിരുന്നല്ല എന്നതാണ് സത്യം- ഷീന പറയുന്നു.