സിപിഎമ്മിന്റെ നാളുകള്‍ എണ്ണപ്പെട്ടു: രാഹുല്‍

കൊല്‍ക്കത്ത: ബംഗാളില്‍ കമ്മ്യൂണിസ്റ്റ് ഭരണം അവസാനിക്കാറായെന്ന് കോണ്‍ഗ്രസ് ജനറല്‍ സെക്രട്ടറി രാഹുല്‍ഗാന്ധി. പാവങ്ങള്‍ക്ക് വേണ്ടിയുള്ള കേന്ദ്ര സര്‍ക്കാരിന്റെ ഫണ്ടുകള്‍ കൊള്ളയടിയ്ക്കുകയാണ് ബംഗാള്‍ സര്‍ക്കാരെന്നും രാഹുല്‍ പറഞ്ഞു.

കൊല്‍ക്കത്തയില്‍ യൂത്ത് കോണ്‍ഗ്രസ് അംഗത്വ വിതരണ ചടങ്ങില്‍ പങ്കെടുത്തുകൊണ്ടാണ് രാഹുല്‍ ഇടതിനെതിരെ ആഞ്ഞടിച്ചത്.

ആറ് മാസത്തിനുള്ളില്‍ ഭരണമാറ്റം ഉണ്ടാകും. ബംഗാളിലെ ജനങ്ങള്‍ മാറി ചിന്തിക്കാന്‍ സമയമായി. രാജ്യത്തിന്റെ മറ്റ് ഭാഗങ്ങളില്‍ ഈ മാറ്റം നിലവില്‍ വന്നുകഴിഞ്ഞു. സിപിഎമ്മിനെ ബഹിഷ്‌കരിക്കാന്‍ ബംഗാളിലെ ജനങ്ങള്‍ തയ്യാറാകണം.