പെട്രോള്‍, ഡീസല്‍ വില കൂടി

ദില്ലി രാജ്യത്ത് പെട്രോള്‍, ഡീസല്‍ വിലയില്‍ നേരിയ വര്‍ധന. പെട്രോള്‍ ലിറ്ററിന് 11 പൈസ മുതല്‍ 12 പൈസ വരെയാണ് വര്‍ധിപ്പിച്ചത്. ഡീസല്‍ ലിറ്ററിന് ഒമ്പത് മുതല്‍ 10 പൈസ വരെയും കൂട്ടി. ഓട്ടോ എല്‍പിജിയുടെ വിലയില്‍ എട്ട് പൈസയുടെ വര്‍ദ്ധനവും ഉണ്ടായിട്ടുണ്ട്. വര്‍ധന ചൊവ്വാഴ്ച അര്‍ധരാത്രി പ്രാബല്യത്തില്‍ വന്നു.

പെട്രോള്‍ പമ്പ് ഡീലര്‍മാരുടെ കമ്മീഷന്‍ കൂട്ടാന്‍ കേന്ദ്രസര്‍ക്കാര്‍ തീരുമാനിച്ചതാണ് വിലവര്‍ധനയ്ക്ക് കാരണം. തങ്ങളുടെ ആവശ്യം അംഗീകരിച്ചില്ലെങ്കില്‍ സെപ്റ്റംബര്‍ 20 മുതല്‍ അനിശ്ചികാല സമരം ആരംഭിയ്ക്കുമെന്ന് പമ്പ് ഡീലര്‍മാര്‍ പ്രഖ്യാപിച്ചിരുന്നു.

ദില്ലിയില്‍ പെട്രോള്‍ ലിറ്ററിന് 11 പൈസ കൂടി 51.56 രൂപയായി. ഡീസലിന് ഒമ്പത് പൈസ വര്‍ധിച്ച് 37.71 രൂപയിലെത്തി.