റബ്ബര്‍ വില താഴോട്ട് തന്നെ

കൊച്ചി: കഴിഞ്ഞ ചില ആഴ്ചകളായി സ്വാഭാവിക റബ്ബറിന്റെ വില താഴോട്ടാണ്. കഴിഞ്ഞ ഒരു മാസത്തിനിടയില്‍ വില 8.5 ശതമാനത്തോളമാണ് താണത്. രണ്ട് മാസത്തെ കണക്കെടുത്താല്‍ ഇത് ഇനിയും കൂടുതലാണ്.

സെപ്തംബര്‍ 14 ചൊവ്വാഴ്ച സ്വാഭാവിക റബ്ബറിന്റെ കൊച്ചി വിപണിയിലെ വില കിലൊയ്ക്ക് 168 രൂപയാണ്. ഇത് ഓഗസ്റ്റ് 14 ന് 183 രൂപയായിരുന്നു.

വിലയിടിവ് മുന്നില്‍ കണ്ട് ടയര്‍ ഉല്പാദകര്‍ ഓഗസ്റ്റില്‍ സ്വാഭാവിക റബ്ബര്‍ ഇറക്കുമതി ചെയ്തത് കുറവായിരുന്നു. 2010 ഓഗസ്റ്റില്‍ 18,834 റബ്ബര്‍ മാത്രമാണ് ഇറക്കുമതി ചെയ്തത്. എന്നാല്‍ ഇത് 2009 ഓഗസ്റ്റില്‍ 22,640 ടണ്‍ ആയിരുന്നു.

വരും ദിവസങ്ങളില്‍ സ്വാഭാവിക റബ്ബറിന്റെ വില ഇനിയും താഴുമെന്നാണ് ഉല്പന്ന വിപണി വിദഗ്ദരുടെ കണക്ക് കൂട്ടല്‍. ഒരു കിലൊ സ്വാഭാവിക റബ്ബറിന്റെ വില മാസങ്ങള്‍ക്കുള്ളില്‍ 90 രൂപയ്ക്കും 120 രൂപയ്ക്കും ഇടയ്ക്ക് സ്ഥിരമാവുമെന്നാണ് കണക്ക് കൂട്ടല്‍.