ഓഹരി: ഏഴാം ദിവസവും ഉയര്‍ച്ച

മുംബൈ: ഏഴാമത്തെ ദിവസവും സെന്‍സെക്സ് ഉയര്‍ന്നു. തുടര്‍ച്ചയായ ഏഴുദിവസത്ത് കയറ്റത്തില്‍ സെന്‍സെക്സ് 1280 പോയന്റാണ് കൂടിയത്. നിഫ്ടി ഈ ഏഴ് ദിവസങ്ങളിലായി 380 പോയന്റ് കയറി. സെപ്തംബര്‍ 15 ബുധനാഴ്ച സെന്‍സെക്സ് 155 പോയന്റ് കൂടി.

നിഫ്ടി 5860.95 (+65.40)
സെന്‍സെക്സ് 19,502.11 (+155.15)

വിപണിയിലെ കയറ്റത്തിന് പ്രധാന കാരണം യുഎസില്‍ നിന്നുള്ള ധനകാര്യ സ്ഥാപനങ്ങളുടെ വാങ്ങലാണ്. കഴിഞ്ഞ ആറ് ദിവസത്തിനിടയില്‍ ഈ ധനകാര്യ സ്ഥാപനങ്ങള്‍ ഇന്ത്യന്‍ ഓഹരി വിപണിയില്‍ മുടക്കിയത് 8,300 കോടി രൂപയാണ്.

ഓയില്‍ & ഗ്യാസ്, ടെക്നോളജി, മെറ്റല്‍, സ്വകാര്യ ധനകാര്യ കമ്പനികള്‍ എന്നീ രംഗങ്ങളിലെ കമ്പനികളുടെ ഓഹരികളാണ് ബുധനാഴ്ച തിളങ്ങിയത്. റിലയന്‍സും ഒഎന്‍ജിസിയുമായിരുന്നു ബുധനാഴ്ചത്തെ കയറ്റത്തിന് നേതൃത്ത്വം നല്‍കിയത്.

നിഫ്ടി ഇനിയും മുകളിലേയ്ക്ക് പോകുമെന്നാണ് കണക്ക് കൂട്ടല്‍. ഇത് 6000 ല്‍ എത്തിയേയ്ക്കുമെന്ന വിപണി വിദഗ്ദര്‍ പറയുന്നു.